Ба муносибати Рӯзи дониш дар Турсунзода бо иштироки зиёда аз 3 ҳазор донишҷӯю омӯзгорон ҳамоиши тантанавӣ доир гардид
ТУРСУНЗОДА, 01.09.2023 /АМИТ «Ховар»/. Имрӯз ба муносибати Рӯзи дониш дар шаҳри Турсунзода ҳамоиши тантанавӣ доир гардид, ки дар он зиёда аз 3 ҳазор донишҷӯёну устодони Литсейи касбӣ-металлургӣ, Коллеҷи омӯзгорӣ, Коллеҷи давлатии тиббӣ ва Коллеҷи металлургии шаҳри Турсунзода иштирок намуданд. Тавре хабарнигори минтақавии АМИТ «Ховар» Субҳониддини Маҳмуд иттилоъ медиҳад, баъд аз анҷоми ҳамоиш устодону донишҷӯён суханронии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба муносибати Рӯзи дониш ва Дарси сулҳ, ки дар Донишгоҳи давлатии тиббии Хатлон дар ноҳияи Данғара баргузор гардид, тавассути телевизион тамошо намуданд.
Муовини директори муассисаи давлатии Коллеҷи тиббии шаҳри Турсунзода Мавзуна Иброҳимова дар суҳбат бо хабарнигори АМИТ «Ховар» иброз дошт, ки “мо, омӯзгорону донишҷӯёни муассиса тавассути оинаи нилгун суханронии Президенти мамлакат муҳтарам Эмомалӣ Раҳмонро, ки ба муносибати Дарси сулҳ мустақиман пахш гардид, тамошо намудем. Рӯзи дониш ва Дарси сулҳ унвон гирифтани якуми сентябр дар худ ҳикмати махсус дорад, ки он бори дигар рӯ овардани ҷомеа ба рушди соҳаи маориф аст. Маълум аст, ки пешрафти мамлакат аз маориф вобастагии калон дорад. Мояи хушҳолии мо аст, ки Пешвои миллат муҳтарам Эмомалӣ Раҳмон ба рушди илму фарҳанг, таълиму тарбияи насли наврас эътибори аввалиндараҷа дода, барои пешрафти мактабу маориф ва тайёр намудани мутахассисони соҳиби донишу малакаи баланди касбӣ ҳамаҷониба ғамхорӣ зоҳир менамоянд”.
Омӯзгори Муассисаи таълимии давлатии Коллеҷи омӯзгории шаҳри Турсунзода Мухлиса Исматзода иброз дошт, ки Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ таъкид намуданд, ки «бунёди ҷомеаи солиму рушдёфта маҳз тавассути ташаккул додани илму маорифи пешрафта, ба роҳ мондани таълиму тарбияи мақсадноки ба арзишҳои миллӣ асосёфта, баланд бардоштани сатҳи касбияти омӯзгорон, муҳайё намудани шароити муосири таълим дар муассисаҳои таълимии ҳамаи зинаҳои таҳсил, яъне бо асбобу таҷҳизоти замонавӣ таъмин намудани онҳо ва албатта, заҳмати содиқонаи аҳли маориф ва ҳамкориву дастгирии падару модарон имкон дошта метавонад».
Аз ин рӯ мо, омӯзгоронро зарур аст, ки насли наврасро дар руҳияи ватандӯстию хештаншиносӣ тарбия намуда, онҳоро ҳамчун мутахассисони ба талаботи замона ҷавобгӯ ба воя расонем”.
АКС: АМИТ «Ховар»
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
НИШАСТИ МАТБУОТӢ. Филиали Донишгоҳи энергетикии Москва дар шаҳри Душанбе соҳиби ду таҷҳизоти лабораторӣ аз фанни физика гардид
Байни Маркази барномаҳои байналмилалӣ ва King’s College London Ёддошти тафоҳум ба имзо расид
Дар Филиали Донишкадаи рушди менеҷменти Сингапур дар шаҳри Душанбе шумораи донишҷӯён меафзояд
НИШАСТИ МАТБУОТӢ. Дар назди филиали Донишгоҳи давлатии Москва дар шаҳри Душанбе Шурои диссертатсионии байнидавлатӣ таъсис дода шуд
