Байни Академияи сайёҳии Донишгоҳи байналмилалии сайёҳӣ ва соҳибкории Тоҷикистон ва Донишгоҳи Тартуи Эстония Ёддошти тафоҳум ба имзо расид

Октябрь 20, 2026 10:25

ДУШАНБЕ, 20.10.2026 /АМИТ «Ховар»/. Байни Академияи сайёҳии Донишгоҳи байналмилалии сайёҳӣ ва соҳибкории  Тоҷикистон ва Донишгоҳи Тартуи Ҷумҳурии Эстония Ёддошти тафоҳум оид ба ҳамкории дуҷониба ба имзо расид, иттилоъ медиҳад АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон.

Санад дар доираи рушди ҳамкории байналмилалӣ дар соҳаи таҳсилот, илм ва сайёҳӣ бо мақсади таҳкими робитаҳои илмӣ ва академӣ, табодули таҷрибаи пешқадам, рушди ҳамкории таълимӣ ва густариши муносибатҳои судманд байни ду муассисаи таҳсилоти олии касбӣ ба имзо расидааст. Санади мазкур заминаи ҳуқуқию ташкилии ҳамкории минбаъдаи ҷонибҳоро дар асоси принсипҳои ҳамкории мутақобили судманд, эҳтироми манфиатҳои тарафайн ва риояи қонунгузории амалкунандаи ҳар ду кишвар фароҳам меорад.

Ба имзо расидани Ёддошти тафоҳум барои густариши ҳамкории байналмилалии Академияи сайёҳӣ, баланд бардоштани сифати омодасозии мутахассисон ва татбиқи таҷрибаи пешқадами байналмилалӣ дар раванди таълиму тарбия аҳаммияти муҳим дорад.

Ҳамкории минбаъда бо Донишгоҳи Тарту имкон фароҳам меорад, ки робитаҳои илмӣ ва таълимӣ тақвият ёфта, барои омӯзгорон ва донишҷӯён имконияти нави рушди касбӣ ва академӣ фароҳам оварда шаванд.

Иқдом инчунин метавонад ба таҳкими заминаи ҳамкории муштарак дар самти рушди илми сайёҳӣ, идоракунии сайёҳӣ ва баланд бардоштани рақобатпазирии мутахассисони соҳа мусоидат намояд.

      АКС: Донишгоҳи байналмилалии сайёҳӣ ва соҳибкории Тоҷикистон

 

Октябрь 20, 2026 10:25

Хабарҳои дигари ин бахш

Озмуни «Фурӯғи субҳи доноӣ китоб аст» мактаби дониш, ҷаҳонбинӣ ва худшиносӣ мебошад
Ба донишҷӯёни Донишгоҳи техникӣ касбҳои соҳаи хоҷагии обро тарғиб намуданд
Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд