БОКС. Муштзанони тоҷик Асрор Воҳидов ва Муҳаммад Аброриддинов Бозиҳои Осиёии Ханжоу-2022-ро бо ғалаба оғоз намуданд
ДУШАНБЕ, 27.09.2023 /АМИТ «Ховар»/. Муштзанони тоҷик Асрор Воҳидов ва Муҳаммад Аброриддинов Бозиҳои Осиёии Ханжоу-2022-ро бо ғалаба оғоз намуданд, хабар медиҳад АМИТ «Ховар».
Асрор Воҳидов (-57 кг) дар даври аввал бар Сулия Хамми аз Лаос зафар ёфта, 30 сентябр бо Салим Ҳусайн аз Бангладеш рақобат менамояд.
Муҳаммад Аброриддинов дар вазни +92 кг дар нахустин рақобат бар намояндаи Амороти Муттаҳидаи Араб Муҳаммад Алхефити ғалабаи техникӣ ба даст оварда, 30 сентябр бо Баҳодир Жалолови узбекистонӣ қувва меозмояд.
Имрӯз муштзанони дигари тоҷик Руҳафзо Ҳақназарова (-52 кг) ба муқобили варзишгари Индонезия Новита Синадиа, Баҳодур Усмонов (-63 кг) ба муқобили Ертуган Зейнуллинови қазоқистонӣ ва Давлат Болтаев (-92 кг) ба муқобили намояндаи Туркманистон Асланбек Ачилов рақобат менамоянд.
Қаблан дигар муштзанони тоҷик Меҳрон Шафиев (51 кг), Довуд Маҳкамов ( 71 кг) , Бибинишастамо Холова (60 кг) ва Нигора Олимова (54 кг) дар аввалин қувваозмоӣ мағлуб шуда, аз идомаи рақобатҳо маҳрум гардиданд.
Ёдовар мешавем, ки чанде пеш ҷудочиёни Тоҷикистон ба хазинаи дастаи мунтахаб дар Бозиҳои Осиёии Ханжоу-2022 се медал, аз ҷумла 1 тилло (Сомон Маҳмадбеков), 1 нуқра (Темур Раҳимов) ва 1 биринҷӣ (Беҳрӯзи Хоҷазода) ворид намуданд.
Бозиҳои Осиёии Ханжоу-2022 23 сентябр оғоз шуда, то 8 октябр меёбанд. Дар он 481 маҷмуи медалҳо аз рӯи 40 намуди варзиш гузошта шудааст. Аз Тоҷикистон дар ин мусобиқа 138 варзишгар аз 18 риштаи варзиш иштирок дорад.
Ба ғолибону ҷоизадорони Бозиҳои Осиёӣ Ҷоизаи Президенти Ҷумҳурии Тоҷикистон дода мешавад. Ба варзишгароне, ки дар мусобиқаи мазкур медали тилло мегиранд, 150 000 сомонӣ, медали нуқра 100 000 сомонӣ ва медали биринҷӣ 50 000 сомонӣ мукофотпулӣ дода мешавад.
Бо такя ба сиёсати хирадмандонаи Пешвои муаззами миллат баҳри дастгирии варзишгарон дар Бозиҳои 19-уми Осиёӣ қарори дахлдори Раиси шаҳри Душанбе низ ба тасвиб расидааст, ки тибқи он, ба гирандагони медали тилло хонаи 3 ҳуҷрадор, медали нуқра 2 ҳуҷрадор ва медали биринҷӣ хонаи 1 ҳуҷрадор тақдим мегардад.
АКС: ТВ «Варзиш»
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
