Дар Тоҷикистон барои тавсеаи заминаи содирот ва афзоиши муомилоти молу маҳсулот дар бахши агросаноатӣ имконияти бузург мавҷуд мебошад

Сентябрь 30, 2023 14:24

ДУШАНБЕ, 30.09.2023. /АМИТ «Ховар»/. Дар Тоҷикистон барои тавсеаи заминаи содирот ва афзоиши муомилоти молу маҳсулот дар бахши агросаноатӣ имконияти бузург мавҷуд мебошад. Ин нуктаро 29 сентбяр зимни суханронӣ дар «Форуми байналмилалии сармоягузории Душанбе-2023» Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ таъкид намуданд.

Гуфта шуд, ки дар доираи ҳамкории байналмилалӣ зиёд кардани ҳаҷм ва диверсификатсияи ҳамкории тиҷоративу иқтисодӣ бо роҳи татбиқи лоиҳаҳои муштарак дар соҳаҳои муҷаҳҳаз бо технологияҳои баланд, аз қабили иттилоот ва телекоммуникатсия, ҳамкорӣ дар рушди комплекси сӯзишворию энергетикӣ, саноати мошинсозӣ ва кишоварзӣ, шабакаҳои нақлиётӣ ва истифодаи самараноки минтақаҳои озоди иқтисодӣ ҳадафи асосии мо барои солҳои оянда ба ҳисоб меравад.

«Аз ҳудуди Тоҷикистон чаҳор долони нақлиётӣ мегузарад, ки бозори кишварҳои минтақа ва берун аз онро ба ҳам мепайвандад ва ин долонҳо, дар навбати худ, ба афзоиш пайдо кардани гардиши савдои хориҷии кишвар заминаи мусоид мегузоранд, — тазаккур намуданд Рустами Эмомалӣ. — Дар давлати мо барои васеъ намудани заминаи содирот ва афзоиш додани муомилоти молу маҳсулот дар бахши агросаноатӣ низ имкониятҳои бузург мавҷуданд».

Таъкид гардид, ки коркарди маҳсулот мутобиқи стандартҳои ҷаҳонӣ имкон медиҳад, ки дар таъмини бозорҳои минтақа бо маҳсулоти аз ҷиҳати экологӣ тоза ва таъмини амнияти озуқавории кишварҳоямон мусоидат намоем.

«Мо, ҳамчунин, дар самти амалисозии лоиҳаҳои афзалиятноки пойтахти азизамон – шаҳри Душанбе – дар соҳаҳои маорифу тандурустӣ, саноату энергетика, роҳҳо, ҳифзи муҳити зист ва дигар самтҳо, ки ба беҳсозии инфрасохтори шаҳр ва таъмин намудани шароити арзандаи зиндагӣ барои сокинону меҳмонон равона гардидаанд, изҳор медорем», — иброз доштанд Раиси шаҳри Душанбе.

Рустами Эмомалӣ илова намуданд, ки таҳкими шарикии дарозмуддат ба хотири пешрафту тараққиёти давлатҳо бо ҷалби сармоягузорону соҳибкорон, инчунин, дастгирии иқдому ташаббусҳои созандаи онҳо яке аз ҳадафҳои асосии мо мебошад.

АКС: АМИТ «Ховар»

Сентябрь 30, 2023 14:24

Хабарҳои дигари ин бахш

Дар Душанбе даври дуюми Озмуни ҷумҳуриявии «Нонпазӣ ва маҳсулоти нонӣ, қаннодӣ, ҳалвопазӣ, шириниҳои миллӣ ва муосир» доир карда мешавад
Раиси шаҳри Душанбе Рустами Эмомалӣ бо Ҳокими шаҳри Остона Женис Касимбек мулоқот намуданд
Дар Душанбе шумораи умумии воситаҳои нақлиёти мусофирбар 20 фоиз зиёд карда мешавад
Рустами Эмомалӣ: «80 фоизи таълимгирандагони таълимоти ғайриқонунии диниро ҷавонони то 30-сола ташкил медиҳанд»
Рустами Эмомалӣ: «Корҳо дар самти пешгирӣ ва коҳиш додани сатҳи амалҳои коррупсионӣ бояд тақвият дода шаванд»
Имрӯз таҳти роҳбарии Раиси шаҳри Душанбе Рустами Эмомалӣ ҷаласаи назоратӣ бо кормандони мақомоти ҳифзи ҳуқуқи пойтахт баргузор гардид
Раиси шаҳри Душанбе Рустами Эмомалӣ муассисаи таҳсилоти томактабии «Афрӯза»-ро мавриди истифода қарор доданд
Ғолибони даври шаҳрии озмунҳои «Беҳтарин ҳамсар» ва «Фарзанд – боғи падару модар» ба даври ҷумҳуриявӣ роҳ ёфтанд
Мақомоти шаҳри Душанбе шартномаи хариди 30 электробусро ба имзо расонид
Ҷаласаи кумитаи тадорукоти «Намоишгоҳи байналмилалии сайёҳии Душанбе» доир гардид
Ҳамкории Душанбе бо Фландрияи Шоҳигарии Белгия тақвияти бештар меёбад
Дар шаҳраку маҳаллаҳои ноҳияҳои Душанбе озмунҳои «Беҳтарин ҳамсар» ва «Фарзанд – боғи падару модар» гузаронида шуданд