Дилшод Назаров дар маросими эстафетаи машъали Бозиҳои Осиёӣ Тоҷикистонро муаррифӣ намуд
ДУШАНБЕ, 20.09.2023 /АМИТ «Ховар»/. Машъали Бозиҳои Осиёӣ ба шаҳри Ханжоуи Ҷумҳурии Мардуми Чин расид, ки дар ин маросим варзишгари муваффақи тоҷик, чемпиони Бозиҳои олимпӣ — Дилшод Назаров низ иштирок намуд. Дар ин хусус аз Кумитаи миллии олимпии Тоҷикистон ба шореҳи варзиши АМИТ «Ховар» хабар доданд.
Маросими эстафетаи машъали бозиҳо 8 сентябр дар кӯли Сихуи шаҳри Ханжоуи музофоти Чжэтсзян оғоз шуд. Нахустин шуда, машъалро шиновар, чемпиони олимпӣ Ло Сюэтсзюан ба даст гирифт. Эстафетаи машъали Бозиҳои тобистона дар 11 шаҳри музофоти Чжэтсзян то 20 сентябр идома ёфт.
20 сентябр машъали мусобиқа ба шаҳри Ханжоу оварда шуд ва дар ин рӯз дар қатори дигарон чемпиони Бозиҳои олимпии Рио-2016, дорандаи 3 медали тилло ва 1 медали нуқраи Бозиҳои Осиёӣ — Дилшод Назаров таҳти рақами 162 ин машъалро ба даст гирифта, роҳпаймоӣ намуд.
Хотиррасон менамоем, ки байни намояндагони 45 давлати қора Дилшод Назаров ягона муаррифи Тоҷикистон дар эстафетаи машъали Бозиҳои Осиёӣ ба ҳисоб меравад. Дар таърихи Бозиҳои Осиёӣ Дилшод Назаров аввлин нафаре аст, ки дар эстафетаи машъали бозиҳо иштирок менамояд.
Ба ҳамин тартиб, машъал давоми рӯз дар шаҳри Ханжоу давр гардонда шуда, то маросими кушодашавии бозиҳо эстафета ба анҷом мерасад. Ҳамарӯза чемпиону ҷоизадорони бозиҳои олимпӣ ва ҷаҳон дар масофаи муайяншуда машъалро мегардонанд.
АКС аз манбаъҳои боз
Президенти Ҷумҳурии Тоҷикистон Эмомалӣ Раҳмон ба наздикону пайвандони Амиршо Миралиев изҳори ҳамдардӣ намуданд
Тоҷикистон Нақшаи маблағгузории Cаҳми дар сатҳи миллӣ муайяншудаи иқлимиро дар Павилиони миллӣ дар Дубай муаррифӣ намуд
Русия омода аст аз Тоҷикистон гӯшти мурғ, тухм, хушкмева ва маҳсулоти заргарӣ харидорӣ намояд
Вазирони энергетикаи Тоҷикистон, Покистон ва Қирғизистон ҷараёни татбиқи лоиҳаи CASA-1000-ро дар Дубай баррасӣ намуданд
МУБОРАК БОШАД! «Ҷашни Сада» ба Феҳристи мероси ғайримоддии башарият ворид гардид
Дар намоиши маҳсулоти истеҳсоли Тоҷикистон дар Русия имконияти вилояти Суғд муаррифӣ гардид
НАВИДИ ФАРҲАНГӢ! «Тазҳиб – санъати зарҳалкорӣ» ба Феҳристи мероси ғайримоддии башарияти ЮНЕСКО ворид шуд
Дар Танзания рушди ҳамкории Вазорати маориф ва илми Тоҷикистон бо Шарики глобалӣ баррасӣ гардид
Сафири Тоҷикистон дар Туркия бо волии вилояти Денизли мулоқот намуд
Дар Душанбе табодули таҷрибаи мутахассисони соҳаи кишоварзии Тоҷикистон ва Эрон баррасӣ гардид
Рустами Эмомалӣ Сафири навтаъйини Олмон дар Тоҷикистон Йорк Шуграфро ба ҳузур пазируфтанд
Фармони Президенти Ҷумҳурии Тоҷикистон дар бораи озод намудани судяҳо
