ФУТЗАЛ. Дастаи мунтахаби Тоҷикистон дар мусобиқаи байналмилалӣ дар Минск иштирок менамояд

Сентябрь 7, 2023 15:44

ДУШАНБЕ, 07.09.2023 /АМИТ «Ховар»/. Аз 8 то 10 сентябр бахшида ба 956-солагии шаҳри Минск дар Ҷумҳурии Беларус мусобиқаи кушод оид ба футзал доир мегардад. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.

Дар ин мусобиқаи сатҳи баланд 4 даста, аз ҷумла дастаҳои мунтахаби яккачини футзали Беларус, Тоҷикистон, инчунин чемпиони феълии Беларус оид ба футзал- дастаи «Сталитса» ва қаҳрамони Русия- дастаи КПРФ иштирок менамоянд.

Хотиррасон мешавем, ки иштирок дар мусобиқаи мазкур яке аз марҳилаҳои асосии омодагӣ ба даври интихобии Ҷоми Осиё-2024 оид ба футзал дониста мешавад. Дастаи мунтахаби Тоҷикистон дар гурӯҳи «Е» бо дастаҳои мунтахаби Мянмар, Фаластин ва Ҳиндустон рақобат менамояд. Бозиҳои интихобӣ дар гурӯҳи мо аз 7 то 11 октябр дар шаҳри Душанбе баргузор мешаванд.

Ғолибони гурӯҳҳо ва ҳамчунин ҳафт дастаи беҳтарини ҷойи дуюм ба қисми ниҳоии Ҷоми Осиё-2024 роҳхат мегиранд, ки дар Тайланд доир мегардад.

Ҳайати дастаи мунтахаби футзали Тоҷикистон барои мусобиқаи байналмилалӣ дар Минск:

Дарвозабонҳо: Фирӯз Бекмуродов («Истиқлол»), Муродулло Алиқулов («Амонатбонк»), Фирӯз Бозмамадов («Соро компания»),

Бозингарон: Комрон Алиев, Абдуқаюм Умаров, Нусратшо Исмоилов (ҳама аз «Истиқлол»), Умед Кузиев («Амонатбонк»), Дилшод Саломов, Файзалӣ Сардоров, Муҳаммад Шарипов, Муҳаммад Раҷабов, Некрӯз Алимаҳмадов, Идрис Ёров, Бахтиёр Солиев, Самандар Ризомов (ҳама аз «Соро компания»).

Сармураббӣ – Пайрав Воҳидов (Тоҷикистон).

АКС: Федератсияи футболи Тоҷикистон

Сентябрь 7, 2023 15:44

Хабарҳои дигари ин бахш

Зайнулло Шарифзода президенти нави дастаи футболи «Вахш»-и Бохтар гардид
Ҳаҷми гардиши савдои хориҷии Тоҷикистон ва Амороти Муттаҳидаи Араб 84 фоиз афзоиш ёфт
Ҳангоми истифодаи хабару маводи сомона истинод ба www.khovar.tj ҳатмӣ аст!
Ҷаласаи гурӯҳи кории Тоҷикистон ва Узбекистон оид ба истифодаи муштараки захираҳои оби дарёҳои фаромарзии Осиёи Марказӣ доир шуд
Дар Донишгоҳи техникии Тоҷикистон намоиши «Энергетика дар давраи гузариш-равонбахши фардо» баргузор мешавад
Дастаи «Равшан» аввалин маротиба Ҷоми Федератсияи футболи Тоҷикистонро ба даст овард
Сарвари давлат Эмомалӣ Раҳмон машварати корӣ баргузор намуданд
«ҶОМИ РАИСИ ШАҲРИ ДУШАНБЕ». Бахшида ба Ҷашни байналмилалии Наврӯз дар пойтахт Мусобиқаи 5-уми байналмилалии гӯштингирӣ баргузор мешавад
Намояндагони Тоҷикистон бо ҷавонону варзишгарони тоҷики муқими шаҳри Қазон вохӯрӣ намуданд
«ҶОМИ РУШД-2024». Иштироки дастаи мунтахаби наврасони Тоҷикистон (U-16) дар ин мусобиқа ба анҷом расид
ФУТБОЛ. Шаҳром Самиев фаъолияташро дар дастаи «Андиҷон»-и Узбекистон идома медиҳад
TASHKENT GRAND SLAM 2024 . Тоҷикистонро дар ин мусобиқа 15 варзишгар намояндагӣ мекунад