«МАРДЕ АЗ САРНАВИШТ». Дар Душанбе тамошои дастҷамъонаи ин филм баргузор мешавад
ДУШАНБЕ, 02.08.2023. /АМИТ «Ховар»/. Бахшида ба 32-солагии Истиқлолияти давлатии Ҷумҳурии Тоҷикистон 7 сентябр, соати 9:30 дар «Кохи Суруш» – и шаҳри Душанбе тамошои дастҷамъонаи филми ҳуҷҷатии «Марде аз сарнавишт» баргузор мешавад. Иқдоми мазкур бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон амалӣ мегардад, хабар доданд ба АМИТ «Ховар» дар Кумитаи мазкур.
Тамошои филми мазкур бо фарогирии 800 нафар ҷавонони касбу кори гуногун аз вазорату идораҳо, ташкилоту муассисаҳои ҷумҳуриявӣ ва шаҳри Душанбе дар назар дошта шудааст.
Дар филми мазкур нақши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар таҳкими давлатдории миллӣ, барқарорсозии сулҳу субот дар қаламрави мамлакат, расидан ба истиқлолияти комил ва пешрафту тараққиёти ҷумҳурӣ ба намоиш гузошта мешавад.
Филми «Марде аз сарнавишт» бо назардошти саҳми арзанда ва хизматҳои бузурги Президенти Ҷумҳурии Тоҷикистон муҳтарам Эмомалӣ Раҳмон дар ташаккули давлатдории навини мамлакат, эҳёи давлати миллӣ, таъмини сулҳу ваҳдат ва баланд бардоштани нуфузу эътибори Тоҷикистон дар арсаи байналмилалӣ таҳия гардидааст.
Дар филми мазкур коршиносону сиёсатмадорони барҷаста ва ходимони намоёни давлатӣ оид ба нақши Пешвои миллат дар бартараф намудани оқибатҳои даҳшатбори ҷанги шаҳрвандӣ, ба Ватан баргардонидани гурезаҳо, соҳибихтиёрии Тоҷикистон, ташаббусҳои ин марди наҷиб дар арсаи байналмилалӣ ва обрӯю нуфузи рӯзафзуни Тоҷикистон ибрози андеша менамоянд.
АКС аз манбаъҳои боз








Дар деҳаи Истиқлоли ноҳияи Деваштич майдончаи варзишӣ ба истифода дода шуд
Дар доираи «Барномаи омодасозии мутахассисон аз ҳисоби ҷавонон барои соҳаҳои иқтисодиёт» беш аз 41 ҳазор нафар бо ҷойи кор таъмин гардид
Дар минтақаи Рашт 30 оилаи ниёзманд соҳиби манзили истиқоматӣ шуда, ду корхонаи саноатӣ фаъол гардид
Дар Вазорати адлияи Тоҷикистон бахшида ба Рӯзи Парчами давлатӣ ҳамоиши илмӣ доир шуд
Дар шаш муассисаи тиббии шаҳри Душанбе барномаи рақамии «eTib» фаъол гардид
Вазири меҳнат, муҳоҷират ва шуғли аҳолии Тоҷикистон дар Конфронси Вена оид ба муҳоҷират иштирок намуд
Дар Душанбе бахшида ба татбиқи Ёддошти тафоҳум дар соҳаи тандурустӣ байни Тоҷикистон ва Амрико чорабинӣ баргузор шуд
Барномаи ҳамкорӣ байни Хадамоти иҷрои Тоҷикистон ва Бюрои иҷрои маҷбурии Узбекистон ба имзо расид
Конгресси байналмилалии «Инсон ва дору» баргузор гардид
Пешгирии бемориҳои сироятӣ масъулияти ҳар шаҳрванд аст
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад






