ҶОМИ ОСИЁ-2024. Доварони тоҷик бозиҳои марҳилаи интихобиро ҳакамӣ менамоянд
ДУШАНБЕ, 03.09.2023 /АМИТ «Ховар»/. Барои ҳакамии бозиҳои марҳилаи интихобии Ҷоми Осиё-2024 оид ба футбол байни дастаҳои мунтахаби олимпии то 23-сола, ки аз 6 то 12 сентябр баргузор мешаванд, чаҳор довар аз Ҷумҳурии Тоҷикистон даъват шудаанд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Довари ФИФА Гулмуроди Саъдулло ва ёвари довари ФИФА Ҳасан Каримов дар бозиҳои гурӯҳи «D» бо иштироки дастаҳои мунтахаби Ҷопон, Баҳрайн, Фаластин ва Покистон кор менамоянд. Даври интихобии ин чаҳоргонаро шаҳри Ароди Баҳрайн мизбонӣ менамояд.
Хотиррасон менамоем, ки ду довари дигар аз Ҷумҳурии Тоҷикистон – довари ФИФА Насрулло Кабиров ва ёвари довари ФИФА Хусрави Сиддиқзод бозиҳои марҳилаи интихобии Ҷоми Осиё-2024 (U-23) дар гурӯҳи «А»-ро дар Аммони Урдун ҳакамӣ менамоянд. Дар ин гурӯҳ дастаҳои мунтахаби олимпии то 23-солаи Урдун, Сурия, Уммон ва Бруней байни ҳам рақобат менамоянд.
Илова бар ин сардори раёсати муносибатҳои байналмилалии Федератсияи футболи Тоҷикистон Давлатманд Исломов комиссари марҳилаи интихобии Ҷоми Осиё-2024 байни дастаҳои мунтахаби олимпии то 23-сола дар гурӯҳи «Е» таъйин гардид. Дар доираи он дастаҳои мунтахаби Узбекистон, Эрон, Ҳонконг ва Афғонистон дар шаҳри Тошканд байни ҳам мубориза мебаранд.
АКС: Федератсияи футболи Тоҷикистон
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
Бахшида ба 35-солагии Истиқлоли давлатӣ дар Нуробод иншооти нави таълимӣ, варзишӣ ва хизматрасонӣ ифтитоҳ гардид
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
