ҶОМИ ОСИЁ-2024. Имрӯз дар Душанбе бозиҳои интихобӣ байни дастаҳои мунтахаби олимпии то 23-сола дар гурӯҳи «I» оғоз мешаванд

Сентябрь 6, 2023 12:00

ДУШАНБЕ, 06.09.2023 /АМИТ «Ховар»/. Имрӯз дар шаҳри Душанбе марҳилаи интихобии Ҷоми Осиё-2024 байни дастаҳои мунтахаби олимпии то 23-сола дар гурӯҳи «I» оғоз мешавад. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.

Дастаҳои мунтахаби олимпии Тоҷикистон, Австралия ва Лаос барои роҳ ёфтан ба қисми ниҳоии чемпионати Осиё байни ҳам мубориза мебаранд. Дар даври аввал- имрӯз, 6 сентябр дастаҳои мунтахаби Лаос ва Австралия байни ҳам вомехӯранд.

Дар даври дуюм- 9 сентябр дастаи мунтахаби Тоҷикистон бо ҳамсолони худ аз Лаос бозӣ менамояд. Ва дар даври ниҳоӣ- 12 сентябр дастаи мунтахаби олимпии то 23-солаи Тоҷикистон бо дастаи мунтахаби Австралия бозӣ хоҳад намуд. Ҳамаи вохӯриҳо дар Варзишгоҳи марказии шаҳри Душанбе баргузор шуда, соати 20:30 оғоз мегарданд. Арзиши чиптаи категорияи якум 50 сомонӣ ва категорияи дуюм 20 сомониро ташкил медиҳад.

Ёдовар мешавем, ки дар остонаи оғози марҳилаи интихобии Ҷоми Осиё-2024 байни дастаҳои мунтахаби олимпии то 23-сола дар гурӯҳи «I» дар меҳмонхонаи «Румӣ»-и шаҳри Душанбе ҷаласа баргузор шуд. Дар ҷамъомад масъулини мусобиқот – комиссари КФО Алим Орифов аз Узбекистон, нозири доварон Владислав Сейтлин (Узбекистон), намояндагони кумитаи тадорукоти маҳаллӣ, менеҷерони дастаҳои мунтахаби олимпии Тоҷикистон, Австралия ва Лаос иштирок намуданд. Дар ҷаласа ранги либоси дастаҳои иштирокчӣ низ тасдиқ шуд. Қобили тазаккур аст, ки аз рӯи натиҷагирии марҳилаи интихобӣ ғолибони 11 гурӯҳ, инчунин 4 даста, ки бо натиҷаи беҳтарин дар гурӯҳҳои худ ҷойи дуюмро мегиранд, ба қисми ниҳоии Ҷоми Осиё-2024 (U-23), ки аз 15 апрел то 3 майи соли оянда дар Қатар баргузор мешавад, роҳ меёбанд.

Марҳилаи интихобии Ҷоми Осиё-2024 (U-23)

 Гурӯҳи «I»

 Даври 1

6 сентябр (чоршанбе)

 Оғоз – соати 20:30

Лаос – Австралия

 Даври 2

9 сентябр (шанбе)

 Оғоз – соати 20:30

ТОҶИКИСТОН – Лаос

 Даври 3

12 сентябр (сешанбе)

 Оғоз – соати 20:30

Австралия –ТОҶИКИСТОН

АКС: Федератсияи футболи Тоҷикистон

Сентябрь 6, 2023 12:00

Хабарҳои дигари ин бахш

«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
«TASHKENT GRAND SLAM». Ҷудочии тоҷик Эмомалӣ Нуралӣ ба даври финалӣ баромад
Дар моҳи март сокинони Тоҷикистонро чӣ гуна ҳаво интизор аст?
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Ҳангоми истифодаи хабару маводи сомона истинод ба www.khovar.tj ҳатмӣ аст!
Дурнамои густариши ҳамкории Тоҷикистон ва Корпоратсияи байналмилалии молиявӣ баррасӣ гардид
Дар Анталия раванди густариши муносибатҳои дуҷонибаи Тоҷикистон ва Туркия мавриди баррасӣ қарор гирифт
Имрӯз даври якуми бақайдгирии довталабон барои иштирок дар имтиҳонҳои марказонидаи дохилшавӣ оғоз шуд
Президенти Ҷумҳурии Тоҷикистон Эмомалӣ Раҳмон ба якчанд қонун имзо гузоштанд
«ТОҶИКОНА МЕПӮШЕМ!». Аввалин шинохти таъриху фарҳанги ҳар миллат аз либоси миллӣ ибтидо мегирад