ҶОМИ ТОҶИКИСТОН– 2023. «Истиқлол» бар дастаи футболи «Регар-ТадАЗ»-и шаҳри Турсунзода ғолиб омад
ДУШАНБЕ, 28.09.2023 /АМИТ «Ховар»/. Дастаҳои футболи «Истиқлол»-и шаҳри Душанбе ва «Регар-ТадАЗ»-и шаҳри Турсунзода дар доираи бозиҳои даври нимниҳоии Ҷоми Тоҷикистон-2023 бозӣ намуданд. Вохӯрии дастаҳо дар Варзишгоҳи марказии шаҳри Душанбе ҷолиб баргузор гардида, бо ҳисоби 1 бар 0 ба фоидаи дастаи футболи «Истиқлол»-и шаҳри Душанбе анҷом ёфт. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Ин бозии 83-юми дастаи футболи «Истиқлол»-и шаҳри Душанбе дар мусобиқаҳои Ҷоми Тоҷикистон буд. Голи ягонаро дар дақиқаи 19-уми бозӣ Шаҳром Сулаймонов ба нишон расонида, ғалабаи дастаашро таъмин намуд.
Вохӯрии ҷавобии дастаҳо 7 октябр дар варзишгоҳи «Талко-Арена»-и шаҳри Турсунзода баргузор мегардад. Пас аз ин бозӣ дастаи футболи «Истиқлол»-и шаҳри Душанбе барои анҷом додани бозии даври дуюми марҳилаи гурӯҳии Лигаи чемпионати Осиё ба шаҳри Риёз сафар менамояд, то бо дастаи «Ал-Наср»-и Арабистони Саудӣ дидор анҷом диҳад. Бозии дастаҳо 2 октябр, соати 23:00 ба вақти Душанбе баргузор мегардад.
Ёдовар мешавем, ки вохӯрии дигари нимниҳоӣ байни дастаҳои футболи «Хатлон» -и шаҳри Бохтар ва «Равшан»-и шаҳри Кӯлоб 29 сентябр дар варзишгоҳи «Пахтакор»-и Бохтар баргузор мешавад.
АКС: Федератсияи футболи Тоҷикистон
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
