СИПОС БА ТУ ОМӮЗГОР! Дар Хуҷанд бо мақсади арҷгузорӣ ба хизматҳои шоёни муаллимон ташаббус нишон дода шуд
ДУШАНБЕ, 02.09.2023 /АМИТ «Ховар»/. Аъзои Кумитаи иҷроияи Ҳизби Халқии Демократии Тоҷикистон дар шаҳри Хуҷанд бо мақсади арҷгузорӣ ба хизматҳои шоён ва боло бурдани қадру манзалати омӯзгор дар доираи ташаббуси вилоятӣ таҳти унвони «Сипос ба ту омӯзгор!» якчанд омӯзгори собиқадор ва бознишастаро хабар гирифтанд, иттилоъ медиҳад АМИТ «Ховар».
Ин ташаббус дар муассисаҳои таълимӣ ва ҳамчунин тариқи хона ба хона баргузор шуда, дар он устодони собиқадор, ботаҷриба ва пешқадам бо номаи сипос, гулҳои тару тоза ва туҳфаҳои хотиравии Кумитаи иҷроияи Ҳизби Халқии Демократии Тоҷикистон дар шаҳри Хуҷанд қадршиносӣ шуданд.
Иброз гардид, ки воқеан ҳам муаллим чароғи роҳнамо ва ҳидоятгари башарият дар ҳар давру замон ба шумор меравад. Маҳз дониши баланд, масъулияти хосса ва маърифатнокии омӯзгорон аст, ки ҷомеа ба сӯи пешрафт кӯшиш менамояд. Аз ин рӯ қадру манзалати омӯзгор дар назди ҷомеа баланд аст. Омӯзгор дар замири шогирдон тухми некиву накӯкорӣ кошта, эҳсоси баланди шинохти Ватан, Модар, Миллат ва нангу номусро бедор ва тақвият мебахшад.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ба рушди илму фарҳанг ва маънавиёти ҷомеа, махсусан таълиму тарбияи насли наврас эътибори аввалиндараҷа дода, барои пешрафти мактабу маориф нақши омӯзгорро бориз медонанд ва чунин таъкид намудаанд: «Маҳз муаллим барои инсон роҳи донишу маърифатро мекушояд ва ба ҷаҳони ботинии шогирдон тухми ақлу хирад мепошад. Бар асари заҳмати устодон боғи маърифат ва ҷаҳони маънавии наврасону ҷавонон бор оварда, ҷомеа боз ҳам рушду камол меёбад».
Баланд бардоштани обрӯ ва эътибори омӯзгор дар ҷомеа яке аз ҳадафҳои асосии Оиннома ва Барномаи Ҳизби Халқи Демократии Тоҷикистон маҳсуб мешавад. Зеро омӯзгорон тарғибгари сиёсати хирадмандонаи Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон мебошанд.
Иқдоми мазкур дар тамоми кумитаҳои иҷроияи ибтидоӣ ва ташкилоти ибтидоии ҳизбӣ дар сатҳи баланд доир шуд.
АКС: Кумитаи иҷроияи Ҳизби Халқии Демократии Тоҷикистон дар шаҳри Хуҷанд
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
35-СОЛАГИИ ИСТИҚЛОЛИ ДАВЛАТӢ. Дар Хатлон 341 иншооти соҳаи маориф ба истифода дода мешавад
Барои такмили ихтисоси мураббиёну омӯзгорон фаъолияти таълимӣ аз рӯйи низоми модулӣ оғоз гардид
