Зимни амалиёти махсус дар терминали мусофиркашонии Бадахшон аз сифати хизматрасонӣ изҳори нигаронӣ гардид
ХОРУҒ, 19.09.2023 /АМИТ «Ховар»/. Кормандони шуъбаи Бозрасии давлатии автомобилии Раёсати Вазорати корҳои дохилии Тоҷикистон дар Вилояти Мухтори Кӯҳистони Бадахшон бо мақсади санҷиши вазъи хизматрасонии воситаҳои нақлиёти мусофирбар, шароити хадамоти техникӣ, иҷтимоӣ ва санитарӣ, риояи қоидаҳои ҳаракат дар роҳ амалиёти махсус баргузор намуданд, хабар медиҳад мухбири минтақавии АМИТ «Ховар» Файз Мирасан.
Ҳангоми санҷиш муайян гардид, ки на дар ҳамаи терминалҳо ба қоидаҳои ҳаракат дар роҳ аҳамият дода мешавад. Дар терминали хати сайри Хоруғ-Душанбе баъзе аз ронандагони мошинҳои мусофирбар берун аз терминал дар шоҳроҳи Кӯлоб-Хоруғ-Кулма мошинро нигоҳ дошта, ба ҳаракати нақлиёт халал мерасонанд.
Ҳатто мошинҳое ба назар расиданд, ки дар муқобили хати ҳаракат истодаанд, ки ин хилофи қоидаҳои ҳаракат дар роҳ мебошад. Он воситаҳои нақлиёте, ки дар дохили терминал интизори мусофирон буданд, низ низом ва тартиби муайян надоштанд. Ҳар ронанда дар паи ҷустуҷӯи мусофир аст ва барои пайдо намудани як мусофир дигарон маҷбур мешаванд, ки соатҳо дар даруни мошин мунтазир бимонанд.
Яке аз камбудиҳои ҷиддӣ, ки дар терминал ба назар расид, ин фарқ накардани ронандагон аз мусофирон буд. Ин дар ҳоле аст, ки дар мамлакатҳои дигар ронандагони чӣ нақлиёти ҳавоию заминӣ ва чӣ обӣ либоси хоси худро доранд ва қабл аз сафар на танҳо худ ба терминал бо либоси тозаву озода ҳозир мешаванд, балки нақлиёти худро низ поку тамиз намуда, ба сафар омода мешаванд.
Дар терминали мусофиркашонии назди бозори «20-солагии Истиқлолият»-и шаҳри Хоруғ низ ҳамин нуқсу камбудиҳо ба назар расиданд. Ин терминал ба ронандагоне, ки мусофиронро ба самти ноҳияҳои Рӯшону Шуғнон интиқол медиҳанд, хизмат мерасонанд. Дар ин ҷо худи масъулини терминал, назоратчиёну танзимгарон ва табибон утоқи корӣ надоранд. Пас чӣ гуна онҳо метавонанд, ки ба ронандагон мутобиқи меъёри қабулшуда хизмат расонанд?
Кормандони Бозрасии давлатии автомобилии вилоят аз масъулини терминали мазкур ба таври ҷиддӣ тақозо намуданд, ки дар зудтарин фурсат ин камбудиҳои ҷиддиро ислоҳ намоянд. Агар ин нуқсонҳо дар муҳлати муайяншуда бартараф нагарданд, он гоҳ масъалаи бекор намудани иҷозатнома ва ё худ литсензия ба миён меояд.
АКС: АМИТ «Ховар»
Дар Душанбе беш аз 90 ҳолати ба фолбинӣ машғул шудани шаҳрвандон ошкор гардид
Ҷаласаи Шурои ҳамоҳангсозӣ оид ба пешгирии суиистеъмоли маводи нашъадор баргузор гардид
ТАҲДИДҲОИ МУОСИРИ КИБЕРӢ ВА РОҲҲОИ МУҚОВИМАТ БА ОНҲО. Мулоҳизаҳо дар ин маврид
Дар маҷлиси ҳайати мушовараи Прокуратураи генералӣ татбиқи дурусти Қонуни Ҷумҳурии Тоҷикистон «Дар бораи авф» баррасӣ шуд
Прокурори шаҳри Ҳисор: «Сулҳ масъулият аст ва ташаббуси навбатии байналмилалии Тоҷикистон ҷомеаи ҷаҳониро ба андеша водор месозад»
Дар беш аз 150 аттраксиони боғҳои фарҳангӣ–фароғатии Тоҷикистон камбудиҳои техникӣ ошкор карда шуд
НИШАСТИ МАТБУОТӢ. Қариб 23 ҳазор дона тухми паранда ҳамчун маҳсулоти бесифат ва хавфнок нобуд карда шуд
Дар Хадамоти назорати давлатии бехатарии корҳо дар саноат ва соҳаи кӯҳкорӣ Феҳристи ягонаи электронии субъектҳо таҳия карда мешавад
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
ЧАРО ҲОЛАТҲОИ ҒАРҚШАВӢ КАМ НАМЕШАВАНД? Мутахассисон риояи қоидаҳои бехатариро омили асосии пешгирии ҳодисаҳои нохуш медонанд
