Ҷамъияти саҳомии кушодаи «Ангишти Камароб» муассисаҳои буҷетии ноҳияҳои Рашт ва Тоҷикободро бо ангишти хушсифат таъмин намуд
РАШТ, 21.10.2023 /АМИТ «Ховар»/. Дар Ҷамъияти саҳомии кушодаи «Ангишти Камароб» соли равон зиёда аз 60 ҳазор тонна ангишт истихроҷ гардид, ки он ба корхонаҳои саноатии ҷумҳурӣ ва хоҷагии халқи мамлакат пешниҳод мешавад, иттилоъ доданд ба хабарнигори минтақавии АМИТ «Ховар» Субҳониддини Маҳмуд масъулини ин ҷамъият.
Кони ангишти «Камароб» дар баландии беш аз 3500 метр, дар дараи Камароби ноҳияи Рашт воқеъ мебошад, ки дар фасли тобистон барфи он дер об шуда, дар аввали фасли тирамоҳ боз барф меборад. Аз ҳамин ҳисоб ва тармафароиҳои зиёд роҳҳои мошингард вайрон мегарданд ва истихроҷи ангишт мушкил мешавад. Ба ҳамаи ин мушкилиҳо нигоҳ накарда, масъулини Ҷамъияти саҳомии кушодаи «Ангишти Камароб» барои кормандони кон ва меҳмонону ронандагон беҳтарин шароити маишӣ муҳайё намуда, кӯшиш менамоянд, ки нақшаи вобастагардидаро иҷро намоянд.
Дар асоси Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2023-2024» Ҷамъияти саҳомии кушодаи «Ангишти Камароб» бо муассисаҳои буҷавии ноҳияҳои Рашту Тоҷикобод шартнома баста, мувофиқи талаботи муассисаҳои буҷавӣ ноҳияи Раштро бо 2328 тоннаю 0,16 кг ангишт ва сохторҳои буҷавии ноҳияи Тоҷикободро бо 767 тоннаю 200 кг ангишти хушсифат сари вақт таъмин намуд.
Роҳбарияти ширкат дар асоси дастуру супоришҳои Ҳукумати Ҷумҳурии Тоҷикистон маъюбони ноҳияи Лахш, ниёзмандону ятимон ва маъюбонро бо ангишти ройгон таъмин менамоянд.
Ҷамъияти саҳомии кушодаи «Ангишти Камароб» имконият дорад, ки сохторҳои буҷетии ноҳияҳои Сангвору Нуробод ва Лахшро бо ангишти хушсифат таъмин намояд. Аз ин рӯ роҳбарияти ширкат ҷиҳати бастани шартнома барои соҳаҳои буҷетӣ ҳамасола ба ин ноҳияҳо муроҷиат менамояд, вале роҳбарияти ин ноҳияҳо бо баҳонаҳои гуногун шартнома намебанданд.
АКС: Ҷамъияти саҳомии кушодаи «Ангишти Камароб»
Дар Барселона имконоти сармоягузории Тоҷикистон муаррифӣ гардид
СОҲИБКОРӢ ҲАМ МАСЪУЛИЯТ МЕХОҲАД! Аз ҷониби кормандони Кумитаи бехатарии озуқаворӣ маҳсулоти гӯштии бесифат мусодира карда шуд
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
Муҳлати лоиҳаи содагардонии расмиёти савдо дар Осиёи Марказӣ то соли 2029 тамдид карда шуд
Тоҷикистон ва Қирғизистон ҳамкориро дар соҳаи инноватсия ва технологияҳои рақамӣ тақвият медиҳанд
Намояндагони Тоҷикистон дар Форуми байналмилалӣ оид ба таҳкими ҳамкорӣ дар самти мубориза бо маводи мухаддир ва ҷинояткорӣ иштирок намуданд
Дар Душанбе Форуми 10-уми Осиёи Марказӣ оид ба идоракунии интернет – CAIGF 2026 баргузор шуд
Дар Душанбе нахустин конфронси байналмилалӣ оид ба мониторинг ва арзёбӣ баргузор шуд
Табодули мол байни Тоҷикистон ва давлатҳои иштирокчии Барномаи махсуси СММ барои иқтисодиёти Осиёи Марказӣ ба 2,1 миллиард доллар расид
