Чат-боти Доно бо мурур ҷои мушовирони «МегаФон Life»-ро мегирад
ДУШАНБЕ, 23.10.2023 /АМИТ «Ховар»/. Истифодабарандагони замимаи «МегаФон Life» ба технологияҳои навтарин барои мустақилона идора намудани хизматрасонӣ ва гирифтани маълумоти муҳим дастрасӣ пайдо намуданд. Бо намунаи нави чатботи оператор — Dono AI шинос шавед!
Бо ёвари ҳушёри онлайн муштариён метавонанд ба зудӣ тавозуни худро бисанҷанд, холҳои бонусиро дар доираи барномаи «Раҳмат» ба хизматрасонии зарурии алоқа иваз ва интернетро фаъол намоянд. Ивазкунии тарофа, пайваст ва қатъ намудани хизматрасониҳо «бо як пахш» анҷом меёбад. Барои ин танҳо бо Dono AI дар замимаи «МегаФон Life» ё дар сомонаи расмии оператор тамос гирифтан кофӣ аст.
Оё Dono AI-ро дар «МегаФон Life» пайдо накардед? Замимаро нав кунед! Замимаро аз суроғаи боргирӣ карда метавонед. Ё дар замима паёмҳои операторро дар зери тасвири «зангӯла» бубинед, шояд суроға бо пешниҳоди навкунии «МегаФон Life» аллакай ба шумо фиристода шуда бошад.
Муҳим он аст, ки ба шарофати технологияҳои зеҳни сунъӣ (AI) чатбот пайваста махзани дониши худро васеъ намуда, барои муштариён боз ҳам муфидтар мешавад. Агар ӯ ба ҳар сурат дар ҷавоб додан мушкилӣ кашад, он гоҳ ба таври автоматӣ кормандони Хадамоти мизоҷони оператор ба суҳбат ҳамроҳ мешаванд.
Дар баробари муроҷиат ба чатбот корбарон аз навгониҳои дигар низ бархӯрдор мегарданд. Машваратҳои онлайн ҳарчи бештар тарҳи муносиби замонавӣ ва имконияти мувофиқро ҷиҳати худхизматрасонӣ пайдо менамоянд. Функсияҳои иловагӣ амалӣ мегарданд. Масалан, ҳангоми пахши тугмае, ки шумораи паёмҳои нохондаро нишон медиҳад, корбар метавонад ба оғози суҳбат гузарад.
Ҷузъи нави Nuxt 3, ки аз ҷониби таҳиякунандагон барои сохтани Dono AI истифода шудааст, барои муштариён низ мувофиқ мебошад. Ҳоло коркарди маълумот на дар ҷониби муштарӣ, балки дар сервери ширкати «МегаФон Тоҷикистон» доир мешавад. Ин маънои онро дорад, ки муштариён ҳатто дар минтақаҳои ноустувори қабули мавҷ, масалан, дар кӯҳҳои баланд ба саволҳои худ ҷавоб пайдо намуда метавонанд.
Бо Dono AI дар «МегаФон Life» муошират намуда, ба афзалияти технологияҳои нави рақамӣ баҳо диҳед!
АКС: ширкати «МегаФон Тоҷикистон»
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
