Дар Бали Муколамаи сатҳи баланд оид ба масъалаҳои об баргузор гардид

ДУШАНБЕ, 13.10.2023 /АМИТ «Ховар»/. 12 октябр  Фиристодаи махсуси Президенти Ҷумҳурии Тоҷикистон дар Эътилофи роҳбарикунанда оид ба об ва иқлим Султон Раҳимзода дар Муколамаи сатҳи баланди ҷаласаи дуюми машваратии ҷонибҳои манфиатдори Форуми 10-уми ҷаҳонии об дар Бали (Индонезия) иштирок намуд. Дар ин хусус ба АМИТ «Ховар» дар котиботи тоҷикистонии Конфронси СММ оид ба захираҳои об хабар доданд.

Султон Раҳимзода зимни суханронӣ аҳамияти раванди сиёсии Форуми 10-уми ҷаҳонии обро таъкид намуда, гуфт, ки Конфронси оби СММ, ки давлатҳои аъзо, ниҳодҳои СММ, созмонҳои байналмилалӣ, ниҳодҳои молиявӣ, ҷомеаи шаҳрвандӣ ва дигар ҷонибҳои манфиатдорро ба ҳам меорад,  дар  гардиши ҷаҳонии об манфиати муштарак мебошад. Фаҳмиши беҳтар, идора ва ҳифзи захираҳои об ба нафъи ҳама ва шукуфоии муштарак масъулияти ҷомеаи ҷаҳонӣ аст. «Анҷумани 10-уми ҷаҳонии об як имконияти хубе барои таҳкими натиҷаҳои Конфронси обии СММ дар соли 2023 дар ташаккули сиёсат ва амалҳои глобалии об барои солҳои зиёд хоҳад буд», — гуфт ӯ.

Иштирокдорон чорабиниҳои минбаъдаро, ки уҳдадориҳои сиёсӣ ва нақшаҳои амалро дар асоси барномаҳо ва мавзуъҳои навшуда пайваст менамоянд, баррасӣ намуданд.

АКС: Котиботи Конфронси СММ оид ба захираҳои об дар Тоҷикистон