Дар Душанбе дар мавзуи «Захираҳои об, инноватсия, захира ва энергиясарфанамоӣ» конференсияи байналмилалӣ баргузор шуд

Октябрь 16, 2023 11:20

ДУШАНБЕ, 16.10.2023 /АМИТ «Ховар»/. Дар Душанбе бо ташаббуси Институти масъалаҳои об, гидроэнергетика ва экологияи Академияи миллии илмҳои Тоҷикистон бахшида ба Даҳсолаи байналмилалии амал «Об барои рушди устувор, солҳои 2018-2028» дар мавзуи «Захираҳои об, инноватсия, захира ва энергиясарфанамоӣ» Конференсияи байналмилалии илмӣ-амалӣ баргузор шуд. Дар ин хусус АМИТ «Ховар» бо истинод ба Институти масъалаҳои об, гидроэнергетика ва экология хабар медиҳад.

Дар кори конференсия намояндагон аз вазорату идораҳо, донишгоҳу донишкадаҳои Ҷумҳурии Тоҷикистон,  намояндагони ташкилоти байналмилалии муқими шаҳри Душанбе, меҳмонон аз Чин, Қазоқистон, Узбекистон ва Корея ба таври ҳузурӣ ва маҷозӣ иштирок намуданд.

Ҳадафи асосии конференсия саҳмгузорӣ дар ҳалли масоили марбут ба вазъи кунунӣ ва дурнамои истифодаи оқилона ва ҳифзи захираҳои об, усулҳои инноватсионии истифодаи захираҳои об, таъмини рушди устувори бахшҳои гуногуни иқтисоди Тоҷикистон, рушди гидроэнергетика ва истифодаи манбаъҳои барқароршавандаи энергия, таърих, ҳолати кунунӣ ва дурнамои тағйирёбии иқлим, мушкилоти экологии марбут ба обу иқлим ва ғайра  мебошад.

Дар ҷаласаи пленарӣ дар мавзуъҳои «Муносибатҳои байнидавлатии об», «Тадқиқот дар соҳаи энергетикаи гидрогенӣ дар Тоҷикистон», «Равишҳои муосири илмӣ доир ба ҳалли мушкилоти экологӣ дар шароити Тоҷикистон» ва «Равандҳои хатарноки табиӣ дар шароити тағйирёбии иқлим дар Тоҷикистон» маърузаҳо шунида шуданд.

Кори конференсия дар бахшҳои «Истифодаи оқилонаи захираҳои об дар шароити тағйирёбии иқлим», «Комплекси хоҷагии об, рушди гидроэнергетика, иншооти гидротехникӣ ва сохтмон», «Бообтаъминнамоии аҳолӣ. Обҳои рекреатсионӣ ва шифобахш» ва «Гидроэкология, рушди устувор ва иқтисоди сабз» баргузор шуд.

АКС: Институти масъалаҳои об, гидроэнергетика ва экология

Октябрь 16, 2023 11:20

Хабарҳои дигари ин бахш

Дар Конфронси байналмилалии сатҳи баланд оид ба ҳифзи пиряхҳо устуворӣ нисбат ба тағйирёбии иқлим ва мутобиқшавӣ ба стратегияҳо баррасӣ мешавад
Озмуни ҷумҳуриявии «Беҳтарин тасвир» байни наврасон гузаронида мешавад
Оид ба нақши ҷавонон дар татбиқи ташаббусҳои ҷаҳонии Президенти Тоҷикистон дар самти обу иқлим ва ҳифзи пиряҳҳо ҳамоиш доир шуд
Бахшида ба Соли байналмилалии ҳифзи пиряхҳо бо ибтикори Ҳизби Халқии Демократии Тоҷикистон ҳамоиш доир шуд
Дар Душанбе ба пешвози меҳмонон-иштирокдорони Конфронси байналмилалии сатҳи баланд оид ба ҳифзи пиряхҳо омодагӣ мегиранд
ДУШАНБЕ — МИЗБОНИ КОНФЕРЕНСИЯИ БАЙНАЛМИЛАЛӢ. Дар ҳошияи он Форуми наврасону ҷавонон оид ба ҳифзи пиряхҳо ва амалиёти иқлим доир мегардад
Пиряхҳои бузургтарини Тоҷикистон дар таъмини об дар минтақаи Осиёи Марказӣ нақши назаррас доранд
Даҳсолаҳои охир пиряхҳои Осиёи Марказӣ дар ҳолати ғайримуқаррарӣ қарор дошта, дар маҷмуъ 30 фоиз таназзул ёфтаанд
Дастёбӣ ба амнияти энергетикӣ яке аз ҳадафҳои стратегии Ҳукумати Тоҷикистон маҳсуб мешавад
Дар конфронси Бишкек аз ташаббусҳои Президенти Тоҷикистон вобаста ба масоили обу иқлим ва пиряхҳо ёдоварӣ намуданд
ОБ-АСОСИ МАВҶУДИЯТИ ИНСОН. Дар партави ташаббусҳои наҷотбахши Президенти Тоҷикистон
Созмони Милали Муттаҳид (ЭСКАТО) қатъномаи Тоҷикистонро дар бораи ҳамкорӣ дар соҳаи об ва иқлим қабул кард