Дар Хуҷанд Чемпионати ҷаҳон оид ба гӯштини камарбандӣ байни ҷавонон ҷамъбаст гардид
СУҒД, 16.10.2023 /АМИТ «Ховар»/. 14 октябр дар Қасри варзиши шаҳри Хуҷанд бо иштироки 3000 нафар — варзишгарон, мураббиён, собиқадорони соҳа, донишҷӯён, хонандагони мактабҳои таҳсилоти миёнаи умумӣ, касбӣ ва олии вилоят, кормандони ташкилоту идораҳои шаҳру ноҳияҳои вилояти Суғд маросими қадршиносии ғолибони Чемпионати ҷаҳон оид ба гӯштини камарбандӣ баргузор гардид. Дар ин хусус ба мухбири минтақавии АМИТ «Ховар» Саъдулло Маҳкам дар Хадамоти матбуоти Раиси вилояти Суғд хабар доданд.
Ёдовар мешавем, ки 13 октябр бахшида ба 35-солагии Истиқлолияти давлатии Ҷумҳурии Тоҷикистон дар Қасри варзиши шаҳри Хуҷанд Чемпионати ҷаҳон оид ба гӯштини камарбандӣ байни ҷавонони аз 18 то 20-сола бо иштироки беҳтарин варзишгарон аз 21 давлати хориҷӣ оғоз гардид.
Раиси вилояти Суғд Раҷаббой Аҳмадзода ва Раиси Федератсияи байналмилалии гӯштини камарбандӣ Рафик Валиев дар чемпионат иштирок ва даври финалии онро тамошо намуданд.
Даври финалии чемпионат аз рӯи 8 вазн, аз ҷумла 4 вазн аз намуди тарзи озод ва 4 вазн аз намуди классикӣ дар алоҳидагӣ доир шуд.
Ба ғолибону ҷоизадорони Чемпионати ҷаҳон оид ба гӯштини камарбандӣ аз ҷониби Раиси вилоят ва Раиси Федератсияи байналмилалии гӯштини камарбандӣ медал, диплом, туҳфаҳои пулӣ ва ба ғолибони даставӣ Ҷоми Раиси вилояти Суғд тақдим гардид.
Ҳамзамон ба 20 нафар доварони Федератсияи байналмилалии камарбандӣ ба хотири шаффофу одилона доварӣ намудани чемпионат аз ҷониби Раиси вилоят туҳфаҳои хотиравӣ тақдим шуданд.
АКС: Хадамоти матбуоти Раиси вилояти Суғд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
Варзишгарони тоҷик ба хазинаи варзишии Тоҷикистон 278 медал ворид намуданд
Варзишгари Тоҷикистон дар мусобиқаи байналмилалии теннис соҳиби ду медали тилло шуд
