Дар маркази вилояти Хатлон маросими гусели наваскарон ба сафи Қувваҳои Мусаллаҳ доир гардид
ДУШАНБЕ, 04.10.2023. /АМИТ «Ховар»/. Дар саҳни Комиcсариати ҳарбии вилояти Хатлон маросими ботантанаи гусели наваскарон ба сафи Қувваҳои Мусаллаҳи Ҷумҳурии Тоҷикистон баргузор гардид, ки дар қатори дигар ҷавонони шуҷои Ватан даъватшавандагони ин вилоят низ бо сарбаландӣ баҳри ҳифзи марзу буми мамлакат ҳозир гардиданд. Дар ин хусус ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд.
Нахуст даъватшавандагон аз саҳни комиcсариати ҳарбии вилоят то майдони варзишии Донишгоҳи давлатии Бохтар ба номи Носири Хусрав дар даст шиору овезаҳои тараннумгари сулҳу ободӣ ва ҳифзи Ватан бо руҳияи болида роҳпаймоӣ намуданд. Аз чеҳраҳои гарму самимӣ ва хандони наваскарон маълум буд, ки ҷавонони шуҷои Ватан баҳри пойдории сулҳу оромӣ ва истиқлолу озодӣ бо азми дил равонаи хизмати Ватан-Модар мебошанд.
Ҳамчун рамзи эҳтиром ва садоқат ба ҷавонмардии наваскарон сокинони шарафманди шаҳри Бохтар дар кучаҳои шаҳр бо мавҷи қарсакҳо наваскаронро руҳбаланд менамуданд.
Муовини Раиси вилояти Хатлон Акрам Сулаймонзода аз номи Раиси вилояти Хатлон ҳамаи даъватшавандагон, ҷавонони далеру матинирода ва шуҷоатманди Хатлонро, ки аввалин шуда, барои адои хизмати ҳарбӣ ба комиссариатҳои ҳарбӣ ҳозир гаштаанд, аҳсану офарин хонд.
Таъкид гардид, ки Қувваҳои Мусаллаҳи Ҷумҳурии Тоҷикистон дастоварди муҳими замони соҳибистиқлолии мамлакат ба шумор рафта, омили асосии нигаҳдории давлатдории миллӣ маҳсуб мешавад.
Дар солҳои соҳибистиқлолии давлат Артиши миллӣ зина ба зина комил ва пуриқтидортар гардида, қобилияти ҳифз, нигаҳдории мамлакат ва оромии ҷамъиятро ба худ касб намуд. Сол аз сол шароити хизмат барои сарбозон дар ҷузъу томҳои Қувваҳои Мусаллаҳ беҳтар гардида, инфрасохтори наву замонавӣ бо тамоми шароити зарурӣ сохта мешавад.
Ба хотири болидаруҳии наваскарон ҳунармандон ва сарояндаҳои вилоят барномаи зебои театрӣ пешниҳод намуданд.
АКС: Мақомоти иҷроияи ҳокимияти давлатии вилояти Хатлон
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
Дар шаҳри Бодканд вохӯрии гурӯҳҳои кории ҳайатҳои ҳукуматии Тоҷикистон ва Қирғизистон баргузор шуд
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон баргузор гардид
Вобаста ба лоиҳаи Қонуни Ҷумҳурии Тоҷикистон «Дар бораи политсия» ҷаласа баргузор шуд
Вобаста ба вазъияти фавқулода, низоъҳо ва ҳамоҳангии иҷтимоӣ конференсияи илмӣ-амалӣ баргузор шуд
Гурӯҳи кории Вазорати корҳои дохилии Тоҷикистон бо фаъолияти Департаменти адлияи Ирландия шинос шуд
