Дар Пекин вохӯрии роҳбарони мақомоти гумруки давлатҳои Осиёи Марказӣ ва Чин баргузор гардид
ДУШАНБЕ, 18.10.2023 /АМИТ «Ховар»/. Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода дар ҳошияи Форуми сеюми байналмилалии «Як камарбанд- Як роҳ», ки 17 октябр дар Пекин оғоз ёфт, дар вохӯрии роҳбарони мақомоти гумруки давлатҳои Осиёи Марказӣ ва Чин сухан гуфт. Дар ин хусус АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон иттилоъ медиҳад.
Хуршед Каримзода оид ба тадбирҳои андешидаи Ҳукумати Ҷумҳурии Тоҷикистон дар самти содагардонии расмиёти савдо, рақамикунонии соҳаи гумрук ва дигар масъалаҳои муҳими соҳа ибрози назар намуда, гуфт, ки ҷоннок намудани ҳамкорӣ байни мақомоти гумруки минтақа барои зиёд намудани гардиши тиҷорати хориҷӣ, пешгирии воридшавии ғайриқонунии молу воситаҳои нақлиёт бо роҳи мубодилаи электронии маълумот ва дигар самтҳои афзалиятнок ба манфиати кор хоҳад буд.
Роҳбарони мақомоти гумруки давлатҳои Осиёи Марказӣ ва Чин ҳавасмандии худро барои таҳкими ҳамгироии муштарак дар масъалаҳои ҳамгироии низоми «Равзанаи ягона» дар тиҷорати хориҷӣ, бартараф намудани мушкилиҳо дар гузаргоҳҳои наздисарҳадӣ, тақвияти татбиқи низоми «Идораи таваккал» ва пешбурди механизми «Танзимгари ваколатдори иқтисодӣ» иброз намуданд.
Дар фарҷом ҷонибҳо тасмим гирифтанд, ки чунин мулоқотҳоро мунтазам баргузор намуда, харитаи роҳро дар доираи гурӯҳҳои корӣ ҷиҳати амалисозии вазифаҳо ва мақсадҳои мубрами соҳа таҳия ва тасдиқ намоянд.
АКС: Хадамоти гумруки назди Ҳукумати Ҷумҳурии Тоҷикистон
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
25 МАЙ — РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. 80 фоизи савдои ҷаҳонӣ аз стандартҳо вобаста аст
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
