Дар шаҳри Бохтар бо иштироки Сарвазири Тоҷикистон Қоҳир Расулзода меҳмонхонаҳои «Ватан» ва «Boshidan» мавриди истифтода қарор гирифтанд
ДУШАНБЕ, 03.10.2023 /АМИТ «Ховар»/. Дар идомаи сафари корӣ ба вилояти Хатлон дар шаҳри Бохтар бо иштироки Сарвазири Ҷумҳурии Тоҷикистон Қоҳир Расулзода ва раиси вилояти Хатлон Давлаталӣ Саид меҳмонхонаҳои «Ватан» ва «Boshidan» ба истифода супорида шуданд. Дар ин хусус ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд.
Ба Сарвазири мамлакат иттилоъ дода шуд, ки меҳмонхонаи «Ватан» дар масоҳати умумии бино 580 метри мураббаъ сохта шудааст. Бинои меҳмонхона ва маркази хизматрасонӣ аз 3 ошёна иборат мебошад. Иншооти мазкур дар доираи вусъат бахшидани корҳои созандагию бунёдкорӣ ба истиқболи ҷашни 35-солагии Истиқлолияти давлатии Ҷумҳурии Тоҷикистон бунёд гардидааст. Корҳои сохтмонии бинои мазкур аз ҷониби мутахассисони маҳаллӣ дар масоҳати 300м2 анҷом дода шудаанд.
Мувофиқи лоиҳа, дар ошёнаи якум ва тагхона мағозаи фурӯши маҳсулоти хӯрока ва таҷҳизотҳои маишӣ пешбинӣ шудааст. Дар қисмати болои бино меҳмонхона бо тарҳи замонавӣ сохта шудааст.
Бунёд шудани меҳмонхона бо ташкил намудани маркази савдо ва хизматрасонӣ дар ошёнаи якум ва тагхона зиёда аз 10 сокини маҳаллӣ бо ҷойи кори доимӣ таъмин гардиданд.
Меҳмонхонаи «Boshidan» низ дар доираи вусъат бахшидани корҳои созандагию бунёдкорӣ ба истиқболи ҷашни 35-солагии Истиқлолияти давлатии Ҷумҳурии Тоҷикистон бунёд гардида, корҳои сохтмонӣ аз ҷониби мутахассисони маҳаллӣ дар масоҳати 300м2 анҷом дода шудаанд.
Масоҳати умумии бино 1080 метри мураббаро ташкил медиҳад. Бинои меҳмонхона аз 3 ошёна иборат мебошад. Дар ошёнаи якум ҷои қабули меҳмонон, ошхона ва ҳуҷраҳои ёрирасони меҳмонхона сохта шудаанд. Дар қисмати болои бино, дар ошёнаи 2 ва 3 меҳмонхонаҳо бо тарҳи замонавӣ сохта шудаанд.
Бунёд шудани меҳмонхона зиёда аз 10 сокини маҳаллӣ бо ҷойи кори доимӣ таъмин мегарданд.
АКС: Мақомоти иҷроияи ҳокимияти давлатии вилояти Хатлон
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар варзишгоҳи шаҳри Хуҷанд ба ифтихори ҷашни 35–солагии Истиқлоли давлатӣ
Дар Суғд яке аз нахустин лоиҳаҳои бузурги «энергетикаи сабз» – бунёди неругоҳи офтобӣ дар ноҳияи Ашт ба анҷом расонида шуд
Пешвои миллат: «Ба истиқболи ҷашни 35-солагии Истиқлоли давлатӣ дар вилояти Суғд 15 ҳазору 400 иншоот бунёд ва навсозӣ гардид»
Имрӯз дар Душанбе вохӯрии чоруми вазирони саноати СҲИ баргузор гардид
Президенти Тоҷикистон: «Шумораи корхонаҳои саноатӣ дар Суғд дар солҳои соҳибистиқлолӣ 11 баробар афзоиш ёфт»
Ҷаласаи Шуро оид ба сайёҳии давлатҳои аъзои ИДМ баргузор шуд
Татбиқи лоиҳаҳои муштарак барои рушди устувори иқтисодӣ ва иҷтимоии Тоҷикистон бо Бонки исломии рушд баррасӣ шуд
Дар Душанбе ҷаласаи сеюми Гурӯҳи кории сатҳи баланди СҲИ оид ба саноат доир гардид
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот бо роҳбарону фаъолони вилояти Суғд ба ифтихори ҷашни 35-солагии истиқлоли давлатии Ҷумҳурии Тоҷикистон
Пешвои миллат Эмомалӣ Раҳмон бо роҳбарону фаъолони вилояти Суғд мулоқот намуданд
Дар Душанбе Форуми байналмилалии нассоҷӣ-Тоҷикистон–2026 баргузор гардид
