Дар шаҳри Хоруғ мусобиқа аз намуди волейбол байни наврасон баргузор шуд
ХОРУҒ, 29.10.2023 /АМИТ «Ховар»/. Дар Кохи варзиши шаҳри Хоруғ мусобиқаи интихобии варзишӣ аз намуди волейбол байни наврасони аз 15 то 17-сола баргузор гардид, ки дар он 5 даста аз шаҳру ноҳияҳои вилоят иштирок намуданд, хабар медиҳад мухбири минтақавии АМИТ «Ховар» Файз Мирасан.
Ин мусобиқа се рӯз давом ёфта, бо пирӯзии дастаи наврасони ноҳияи Рӯшон ба поён расид. Ҷойҳои дуввуму сеюмро дастаҳои ноҳияҳои Роштқалъа ва Ишкошим аз худ намуданд.
Сардори Раёсати кор бо ҷавонон ва варзиши вилоят Солеҳҷон Амирҷонзода зимни ҷоизасупорӣ ба дастаҳои ғолиб изҳор намуд, ки мақсад аз баргузор намудани мусобиқа- ин дарёфт намудани чеҳраҳои нави варзишӣ аз намуди волейбол ва шомил намудани онҳо ба дастаи мунтахаби вилоят мебошад.
Дастаи волейболи мардона ва занонаи вилоят яке аз дастаҳои беҳтарин дар ҷумҳурӣ шумурда мешавад ва давоми беш аз даҳ сол ҳарду даста дар сархати ҷадвали мусобиқаҳои ҷумҳуриявӣ қарор доштанд. Аммо батадриҷ баъзе аз ин бозигарон бо сабаби синну сол ва ё иваз намудани ҷои иқомат дастаи мунтахаби вилоятро тарк намуданд. Аз ин рӯ барои мураббиёни дастаи мунтахаб зарур аст, ки чунин мусобиқаҳоро бештар баргузор намоянд ва ба ин васила чеҳарҳои навро кашф ва шомили дастаи мунтахаб гардонанд.
Дар ҷамъбасти мусобиқа аз байни се дастаи ғолиб як дастаи мунтахаб ташкил намуда, ба мусобиқаи ҷумҳуриявӣ, ки аз 27 то 31 октябр дар ноҳияи Ашти вилояти Суғд баргузор мешавад, гусел намуданд.
АКС: АМИТ «Ховар»
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
