Дар Шаҳринав фаъолияти комиссияи даъватии ноҳия санҷида шуд

ДУШАНБЕ, 25.10.2023 /АМИТ «Ховар»/. 23 октябр дар Мақомоти иҷроияи ҳокимияти давлатии ноҳияи Шаҳринав вохӯрии прокурори ҳарбии гарнизони Душанбе, полковники адлия Шуҳрат Шарифзода бо Комиссияи даъватӣ, Комиссияи тиббӣ ва аъзои он доир гардид, хабар медиҳад АМИТ «Ховар».

Дар вохӯрӣ Шуҳрат Шарифзода оид ба ҳолати иҷрои Қонуни Ҷумҳурии Тоҷикистон «Дар бораи уҳдадориҳои ҳарбӣ ва хизмати ҳарбӣ» ва ҷараёни иҷрои Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1996-2005 Ҷумҳурии Тоҷикистон ба хизмати ҳарбӣ» дар даъвати тирамоҳии соли 2023 сухан гуфт.

Ӯ ҳамзамон фаъолияти комиссияи даъватии ноҳияи Шаҳринавро санҷида, пешниҳоди худро дар бораи бартараф намудани қонунвайронкуниҳо ва сабабу шароити ба онҳо мусоидаткунанда дар ин самт баён дошт.

Таъкид карда шуд, ки  мушкилоту қонунвайронкуниҳо дар ин самт бартараф гардида, даъват ба сафи Қувваҳои мусаллаҳи мамлакат бо риояи талаботи қонунгузорӣ анҷом дода  мешавад.

АКС: Мақомоти иҷроияи ҳокимияти давлатии ноҳияи Шаҳринав