Дар шоҳроҳи Душанбе-Бохтар ҳашари экологии «Тозагии шоҳроҳ» доир гардид
ДУШАНБЕ, 25.10.2023 /АМИТ «Ховар»/. 21 октябр дар шоҳроҳи Душанбе-Бохтар ҳашари экологии «Тозагии шоҳроҳ» доир гардид, ки дар он кормандони соҳаи коммуналӣ ва сокинони маҳаллаи Чимтеппа дар масофаи 300 метр шоҳроҳро аз партовҳои пластикӣ тоза намуданд.
Дар Сарраёсати ҳифзи муҳити зист дар шаҳри Душанбе гуфтанд, ки аз ҳудуди шаҳри Душанбе ба самти шаҳру ноҳияҳои ҷумҳурӣ шоҳроҳҳои Душанбе-Бохтар, Душанбе-Хуҷанд, Душанбе-Турсунзода, Душанбе-Ваҳдат тӯл кашидаанд, ки бо мақсади таъмини тозагию озодагии шоҳроҳҳо пайваста ҳашарҳои экологӣ гузаронида мешаванд.
Дар нуҳ моҳи сипаришуда дар шаҳри Душанбе 28 маротиба ҳашари «Тозагии шоҳроҳ» доир гардида, зимни он ки дар ҳаҷми 244, 1 м3 партов ҷамъоварӣ ва бароварда шудааст.
Ҳадаф аз баргузории чунин ҳашарҳо, пеш аз ҳама, тоза намудани муҳити зист, бахусус атрофи шоҳроҳҳо ва ба ин васила баланд бардоштани маърифати экологӣ ва риояи фарҳанги шаҳрнишинӣ мебошад.
То анҷоми соли равон чунин ҳашарҳо дар ноҳияҳои пойтахт доир мегарданд.
АКС: Сарраёсати ҳифзи муҳити зист
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
