ДАЪВАТИ ТИРАМОҲӢ. Нақшаи даъвати ҳарбӣ дар ноҳияи Вахш дар рӯзи аввал иҷро шуд
ДУШАНБЕ, 01.10.2023 /АМИТ «Ховар»/. 1 октябри соли 2023 дар варзишгоҳи коллеҷи тиббии ноҳияи Вахш ба муносибати гусели нахустин гурӯҳи ҷавонон ба хизмати ҳарбӣ, бои иштироки масъулини мақомоти давлатӣ, фаъолон, даъватшавандагон ва волидони онҳо чорабинии бошукӯҳ таҳти унвони «Рӯзи даъватшаванда» баргузор гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии ноҳияи Вахш хабар доданд.
Зимни суханронии масъулини комиссариати ҳарбии ноҳияи Вахш таъкид гардид, ки маҳз тавассути хизмат дар қисмҳои ҳарбӣ ҷавонон обутоб меёбанд ва ҳамчун мардони шуҷои Ватан ба камол мерасанд ва дар баробари ин донишу малакаи сиёсии худро баланд бардошта, ҳифзи марзу бум ва ҳар як ваҷаб замини Тоҷикистони азизро барои худ шараф ва ифтихор медонанд.
Дар ин рӯзи фараҳбахш ҷавонони ноҳияи Вахш ихтиёран ба комиссариати ҳарбии ноҳия омода, иброз намуданд, ки мехоҳанд қарзи шаҳрвандии худро дар назди давлату миллати тоҷик иҷро намоянд. Дар заминаи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шароити хизмат дар қисмҳои ҳарбӣ бамаротиб беҳтар гардидааст, ки ҷавонон бо рӯҳу илҳоми қавӣ хизмати ҳарбиро адо намуда, сарбаландона ба назди волидонашон бармегарданд, ки ин мояи ифтихору сарфарозии ҳар як падару модар мегардад.
Дар идомаи чорабинӣ ҳамчунин дигар иштирокдорон, аз ҷумла даъватшавандагон ва волидони онҳо дар мавзуи хизмат ба Ватан-Модар изҳори андеша намуда, ҷавононро ба ватандӯстӣ, хештаншиносӣ ва садоқатмандӣ ба давлату миллат ҳидоят намуданд.
Ба ҷавононе, ки курсҳои кӯтоҳмуддати ронандагиро хатм намудаанд, шаҳодатномаи ронандагӣ тақдим карда шуд. Ҷавонони боазму иродаи ноҳияи Вахш чун дигар ҷавонони Тоҷикистони соҳибистиқлол бо ифтихору сарфарозиҳои зиёд омода будани худро ба хизмати Ватан-Модар баён намуданд. Ду нафар аз ҳисоби фарзандони кормандони мақомоти ҳифзи ҳуқуқ ва 8 нафар фарзандони кормандони соҳаи маорифи ноҳия ба хизмати Ватан-Модар сафарбар карда шуданд.
Дар ҷамъбасти чорабинӣ ҳунармандони бахши фарҳанги ноҳияи Вахш суруду таронаҳои дилнишину ватандӯстонаро пешниҳоди аҳли чорабинӣ намуданд ва ҷавонон дар вазъияти хотирмон бо ҳисси баланди ватандӯстӣ, садоқат ба халқу Ватан ба сафи Артиши миллӣ гусел карда шуданд.
АКС: АМИТ «Ховар»
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
Дар шаҳри Бодканд вохӯрии гурӯҳҳои кории ҳайатҳои ҳукуматии Тоҷикистон ва Қирғизистон баргузор шуд
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон баргузор гардид
Вобаста ба лоиҳаи Қонуни Ҷумҳурии Тоҷикистон «Дар бораи политсия» ҷаласа баргузор шуд
Вобаста ба вазъияти фавқулода, низоъҳо ва ҳамоҳангии иҷтимоӣ конференсияи илмӣ-амалӣ баргузор шуд
Гурӯҳи кории Вазорати корҳои дохилии Тоҷикистон бо фаъолияти Департаменти адлияи Ирландия шинос шуд
