МАН МОДАРАМ, ХОҲАРАМ, ВАТАНАМРО ҲИМОЯ МЕКУНАМ! Дар Истаравшан баъди «кулчагазон» наваскаронро ба сафи Артиши миллӣ гусел намуданд
СУҒД, 03.10.2023 /АМИТ «Ховар/. 2 октябр дар Варзишгоҳи марказии шаҳри Истаравшан маросими ҷалби наваскарони ихтиёрӣ ба сафи Қувваҳои Мусаллаҳи Ҷумҳурии Тоҷикистон баргузор гардид, хабар медиҳад мухбири минтақавии АМИТ «Ховар» Саъдулло Маҳкам бо истинод ба дафтари матбуоти Раиси шаҳри Истаравшан.
Дар ҳамоиш Раиси шаҳри Истаравшан, муовинони раиси шаҳр, роҳбарони сохторҳои қудратӣ ва мақомоти ҳифзи ҳуқуқ, даъватшудагони ихтиёрӣ ва волидайни онҳо, раисони ҷамоатҳои деҳот, собиқадорон, фаъолон ва роҳбарони воҳидҳои сохтории шаҳр иштирок намуданд.
Боиси ифтихор аст, ки имрӯз дар шароити сулҳу субот ва оромиву осмони мусаффои мамлакат ҷавонон бо пайравӣ ба падарону бобоёни шуҳратёри худ, бо амри дил ва ҳисси ватандӯстона ихтиёран ба сафҳои Артиши миллӣ ҳамроҳ мешаванд.
-Ба наваскароне, ки имрӯз бо хоҳиши худ ба сафи мактаби мардонагӣ- Қувваҳои Мусаллаҳи Ҷумҳурии Тоҷикистон ҷалб гардидаанд, дар адои ин рисолати пуршараф ҳушёрию зиракӣ, матонату ҷасорат ва дар ҳифзи Ватани азиз барору комёбиҳо орзу менамоем,–изҳор дошт Раиси шаҳри Истаравшан Адҳам Маъмурзода.
Сипас, ба як зумра даъватшавандагон шаҳодатномаи ронандагӣ тақдим шуд.Наваскарон таъкид намуданд, ки хизмат дар сафи Қувваҳои Мусаллаҳ барои онҳо маънои ҳифзи модар, хоҳар ва Ватанро дорад.
Дар фарҷом чун анъана маросими нонгазонии модарон ба ҷавонони ба хизмати ҳарбӣ равонашуда доир гардида, баҳри болидахотирии ҳозирин аз ҷониби бахши фарҳанги мақомоти иҷроияи ҳокимияти давлатии шаҳр барномаи рангини фарҳангиву фароғатӣ ва дастурхони идона пешкаш гардид.
АКС: дафтари матбуоти Раиси шаҳри Истаравшан
СААД баимзорасии Шартнома байни Тоҷикистон ва Қирғизистон дар бораи сарҳади давлатиро истиқбол менамояд
Президенти Ҷумҳурии Тоҷикистон Эмомалӣ Раҳмон ба Ҷумҳурии Қирғизистон сафар намуданд
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
