ОФАРИН! Абубакр Шеров барандаи медали биринҷии Чемпионати ҷаҳон оид ба гӯштини ҷудо байни ҷавонон шуд
ДУШАНБЕ, 06.10.2023 /АМИТ «Ховар»/. Паҳлавони ҷавону умедбахши тоҷик Абубакр Шеров дар вазни то 73 кг дар рӯзи дуюми Чемпионати ҷаҳон оид ба гӯштини ҷудо дар Португалия ба гирифтани медали биринҷӣ мушарраф гардид. Ин аввалин медали Абубакр Шеров дар Чемпионати ҷаҳон оид ба гӯштини ҷудо байни ҷавонон мебошад. Дар ин хусус шореҳи варзиши АМИТ «Ховар» бо истинод ба Федератсияи ҷудои Тоҷикистон хабар медиҳад.
Абубакр Шеров дар даври аввал Руслан Коротичи амрикоӣ, дар даври дуюм Габриел Фалкаои бразилӣ, дар даври сеюм Гергели Адорҷании маҷориро мағлуб намуда, дар даври чаҳорякниҳоӣ аз Алмат Адилети қазоқ мағлуб шуд ва ба даври тасаллобахш рафт.
Дар даври тасаллобахш Абубакр бо Элиот Преве аз Фаронса зафар ёфта, дар мубориза барои медали биринҷӣ бар Кейто Киҳараи ҷопонӣ ғолиб омад ва медали биринҷии мусобиқаро соҳиб шуд.
Ғолибони вазни -73 кг
1.Вусал Галандарзода (Озарбойҷон)
2.Ҷак Ёнезука (Амрико)
3.Абубакр Шеров (Тоҷикистон)
3.Муҳаммад Газалоев (Белгия)
Дар ин рӯзи мусобиқа варзишгари дигари тоҷик Муҳиддин Асадуллоев дар вазни то 73 кг баромад намуда, то ба даври ҳаштякниҳоӣ расид. Дар даври аввал Муҳиддин бар Абдулло Алиеви қирғиз, дар даври дуюм Рикардо Гуерраи мексикоӣ ғалаба намуда, дар даври сеюм аз Ҷак Ёнезукаи амрикоӣ ноком шуд.
Дар рӯзи якуми мусобиқа ҷудочии тоҷик Фазлиддин Садриддинзода дар вазни то 66 кг дар даври аввал бо 2 имтиёзи вазарӣ аз Энхтур Ҷугдергарави муғул шикаст хӯрд.
Ёдовар мешавем, ки 4 октябр дар шаҳри Одивелоси Португалия дар доираи «World Judo Tour» Чемпионати ҷаҳон оид ба гӯштини ҷудо байни ҷавонон оғоз ёфт, ки то 7 октябр идома меёбад.
АКС аз манбаъҳои боз
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
