СОЛҲОИ РУШДИ САНОАТ. Саноатчиёни вилояти Хатлон ба андозаи қариб 8 миллиард сомонӣ маҳсулот истеҳсол намуданд
ДУШАНБЕ, 24.10.2023 /АМИТ «Ховар»/. Бахшида ба Солҳои рушди саноат (2022-2026) дар Тоҷикистон саноатчиёни вилояти Хатлон бо истифода аз имконияти мавҷуда имсол ба андозаи қариб 8 миллиард сомонӣ (7 миллиарду 983,6 миллион сомонӣ) маҳсулот истеҳсол намуданд, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон.
Ҳаҷми истеҳсол нисбат ба ҳамин давраи соли гузашта 694,6 миллион сомонӣ зиёд ва суръати афзоиш бо назардошти нархҳои муқоисавӣ дар сатҳи 9 фоиз таъмин гардид. Корхонаҳои хӯроквории шаҳру ноҳияҳои вилоят якҷо бо бахши хусусӣ соли равон беш аз 1,1 миллиард сомонӣ, баробар ба 114,7 фоизи ҳамин давраи соли гузашта маҳсулот истеҳсол намуда, суръати афзоишро ба маблағи 148,4 миллион сомонӣ таъмин намуданд. Мувофиқи омори расмӣ, дар ин давра корхонаҳои нассоҷӣ, дӯзандагӣ ва чарму пойафзоли вилоят ба маблағи зиёда аз 1,4 миллиард сомонӣ маҳсулот истеҳсол намудаанд.
Инчунин дар ин давра аз 144 корхона ва коргоҳҳои саноатӣ 107 корхонаю коргоҳи саноатӣ бо таъсиси 610 ҷойи кор ба истифода дода шуд. Самти корхонаҳои саноатӣ ба истеҳсоли гӯшти мурғ, маҳсулоти гӯштӣ, мусалласи ангур, макаронбарорӣ, маҳсулоти нониву қаннодӣ, маҳсулоти пластикӣ, филизӣ, хишти пухта, хишти роҳрав ва хишти қирӣ (сементӣ), собуни хоҷагӣ, моеъи зарфшӯӣ, симтӯр, коркарди пахта, мебелбарорӣ нигаронида шудааст.
Бо иштироки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли равон бинобар барқарор намудани Корхонаи азотии шаҳри Левакант 764 ҷойи кор таъсис ёфт.
АКС: Мақомоти иҷроияи ҳокимияти давлатии вилояти Хатлон
Пиряхҳоро аз обшавӣ бояд ҳифз намуд, — бардошт аз конфронси байналмилалии илмӣ-амалӣ дар Душанбе
Содироти маҳсулоти Тоҷикистон ба Чин баррасӣ шуд
РАҚАМИКУНОНИИ СОҲАИ ОБ. Барои Тоҷикистон ин масъала аҳаммияти махсус дорад
«Барномаи рушди сайёҳии дохилии Ҷумҳурии Тоҷикистон барои солҳои 2027-2031» қабул гардид
Пешвои миллат Эмомалӣ Раҳмон дар Минтақаи озоди иқтисодии Данғара 3 корхонаи саноатиро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара корхонаи истеҳсоли равғанро ифтитоҳ намуданд
Сарвари давлат Эмомалӣ Раҳмон дар ноҳияи Кӯшониён ба сохтмони корхонаи нави семент санги асос гузоштанд
Президенти Ҷумҳурии Тоҷикистон Эмомалӣ Раҳмон ба фаъолияти се коргоҳи нави истеҳсолии ҶДММ «Парки инноватсионии саноатию технологии шаҳри Левакант» оғоз бахшиданд
Сарвари давлат Эмомалӣ Раҳмон дар шаҳри Левакант ба фаъолияти корхонаи истеҳсолии «Хишти диёр» оғоз бахшиданд
Робитаҳои соҳибкорӣ байни Тоҷикистон ва Фландрияи Подшоҳии Белгия густариш меёбанд
Ҷаласаи Ситоди байниидоравӣ оид ба ҳамоҳангсозии амалишавии сиёсати макроиқтисодӣ доир шуд
Тоҷикистон ва Фландрияи Шоҳигарии Белгия ҳамкории тиҷоратию иқтисодиро густариш медиҳанд
