Варзишгарони тоҷик дар Чемпионати Осиё оид ба бокс байни наврасон дар Остона соҳиби 2 медали биринҷӣ шуданд
ДУШАНБЕ, 30.10.2023. /АМИТ «Ховар»/. Чемпионати Осиё оид ба бокс байни наврасону ҷавонон дар шаҳри Остонаи Ҷумҳурии Қазоқистон ба қисмати нимфиналӣ расид. 29 октябр рақобатҳои даври нимниҳоии духтарони наврас баргузор шуд. Ду намояндаи Тоҷикистон — Париноз Абдулова ва Мино Аъзамзода аз ҳарифонашон мағлуб гардида, сазовори медали биринҷӣ шуданд. Дар ин хусус шореҳи варзиши АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар медиҳад.
Чемпионати Осиё оид ба бокс байни наврасону ҷавонон дар шаҳри Остона идома дорад. Ҳоло муштзани навраси тоҷик Ҷаҳонгир Камолов дар вазни то 46кг, Мансурхуҷа Муминов дар вазни то 48кг, Билолҷон Иксанов дар вазни то 50кг, Меҳроҷ Суфиҷонов дар вазни то 48кг ва Баҳромбек Ҳотамов дар вазни то 71кг бо мағлуб намудани рақибон ба даври нимниҳоӣ баромадаанд.
23 октябр дар шаҳри Остонаи Қазоқистон Чемпионати Осиё оид ба бокс байни наврасону ҷавонон оғоз гардид, ки то 3 ноябр идома меёбад. Дар он 220 варзишгар (147 писар, 73 духтар) дар байни наврасон ва байни ҷавонон 215 варзишгар (137 писар, 78 духтар) иштирок доранд. Аз ҷумла, дастаҳои мунтахаби наврасону ҷавонони Тоҷикистон оид ба бокс дар ҳайати 24 нафар (13 нафар наврас, 11 нафар ҷавон) дар Ҷумҳурии Қазоқистон қарор доранд.
Хотиррасон мешавем, ки дар асоси нақша 23-29 октябр рақобатҳои муқаддамотӣ, 30-31 октябр- муҳорибаҳои нимфиналӣ ва 2-3 ноябр финал баргузор мешаванд.
АКС аз манбаъҳои боз
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
Бахшида ба 35-солагии Истиқлоли давлатӣ дар Нуробод иншооти нави таълимӣ, варзишӣ ва хизматрасонӣ ифтитоҳ гардид
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
