Вобаста ба беҳтар намудани сифати хизматрасонии нақлиёт дар Душанбе ва риояи фарҳанги шаҳрнишинӣ ҳамоиш доир шуд

Октябрь 21, 2023 16:34

 ДУШАНБЕ, 21.10.2023. /АМИТ «Ховар»/. Бо мақсади беҳтар ба роҳ мондани сатҳу сифати хизматрасонии нақлиёт дар пойтахт,  ҳамзамон пурзӯр намудани назорати раванди фаъолияти ронандагон дар шабакаи хатҳои сайр ва бехатарии ҳаракат дар роҳ таҳти роҳбарии муовинони Раиси шаҳри Душанбе Дилбар Одилзода ва Фирдавс Саидзода дар Мақомоти иҷроияи ҳокимияти давлатии шаҳри Душанбе бо иштироки роҳбарони сохторҳои марбута ва корхонаву ҷамъиятҳои нақлиётии мусофирбари пойтахт ҷаласа доир гардид. Дар ин хусус ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.

Дар ҷаласа таъкид шуд, ки пойтахти Ҷумҳурии Тоҷикистон- шаҳри Душанбе, пеш аз ҳама, муаррифи фарҳангу тамаддуни миллати куҳанбунёду сарбаланди мо, тоҷикон мебошад ва риоя намудани Маромномаи сокини пойтахт ва одоби шаҳрнишинӣ вазифаи авалиндараҷаи ҳар сокини шаҳри Душанбе ба ҳисоб меравад.

Гуфта шуд, ки соҳаи нақлиёти мусофирбар яке аз соҳаҳои муҳим ва афзалиятнок дар пойтахт ба ҳисоб меравад. Риояи фарҳанги миллӣ, бахусус одоби муошират, пӯшидани либоси ягонаи расмӣ, намои зоҳирӣ ва ҳамарӯза тозаю озода ба хатсайрҳо баровардани воситаҳои нақлиёт аз вазифаҳои аввалиндараҷаи кормандони ин соҳа ба ҳисоб рафта, иҷрои он қатъиян бояд риоя  шавад.

Баҳри бартараф намудани камбудиҳои дар ин самт ҷойдошта ва баланд бардоштани сатҳу сифати хизматрасонии нақлиётӣ аз ҷониби муовинони Раиси шаҳри Душанбе ба роҳбарони сохторҳои марбута ва корхонаву ҷамъиятҳои нақлиётии мусофирбари пойтахт дастуру супоришҳои мушаххас дода шуд.

Таъкид гардид, ки доир ба риоя намудани Маромномаи сокини пойтахт ва одоби шаҳрнишинӣ, аз қабили пӯшидани либоси ягонаи тасдиқгардида, одоби муошират, ҳолати санитарии воситаҳои нақлиёт пайваста бо ронандагон корҳои тарғиботию фаҳмондадиҳӣ гузаронида шуда, назорат дар ин самт бояд пурзӯр гардонида шавад.

АКС: Шуъбаи иттилоотии дастгоҳи Раиси шаҳри Душанбе

Октябрь 21, 2023 16:34

Хабарҳои дигари ин бахш

Дар Душанбе даври дуюми Озмуни ҷумҳуриявии «Нонпазӣ ва маҳсулоти нонӣ, қаннодӣ, ҳалвопазӣ, шириниҳои миллӣ ва муосир» доир карда мешавад
Раиси шаҳри Душанбе Рустами Эмомалӣ бо Ҳокими шаҳри Остона Женис Касимбек мулоқот намуданд
Дар Душанбе шумораи умумии воситаҳои нақлиёти мусофирбар 20 фоиз зиёд карда мешавад
Рустами Эмомалӣ: «80 фоизи таълимгирандагони таълимоти ғайриқонунии диниро ҷавонони то 30-сола ташкил медиҳанд»
Рустами Эмомалӣ: «Корҳо дар самти пешгирӣ ва коҳиш додани сатҳи амалҳои коррупсионӣ бояд тақвият дода шаванд»
Имрӯз таҳти роҳбарии Раиси шаҳри Душанбе Рустами Эмомалӣ ҷаласаи назоратӣ бо кормандони мақомоти ҳифзи ҳуқуқи пойтахт баргузор гардид
Раиси шаҳри Душанбе Рустами Эмомалӣ муассисаи таҳсилоти томактабии «Афрӯза»-ро мавриди истифода қарор доданд
Ғолибони даври шаҳрии озмунҳои «Беҳтарин ҳамсар» ва «Фарзанд – боғи падару модар» ба даври ҷумҳуриявӣ роҳ ёфтанд
Мақомоти шаҳри Душанбе шартномаи хариди 30 электробусро ба имзо расонид
Ҷаласаи кумитаи тадорукоти «Намоишгоҳи байналмилалии сайёҳии Душанбе» доир гардид
Ҳамкории Душанбе бо Фландрияи Шоҳигарии Белгия тақвияти бештар меёбад
Дар шаҳраку маҳаллаҳои ноҳияҳои Душанбе озмунҳои «Беҳтарин ҳамсар» ва «Фарзанд – боғи падару модар» гузаронида шуданд