Ҳамкории Кумитаи ҳолатҳои фавқулода ва мудофиаи граждании Тоҷикистон ва Бонки Осиёии Рушд оид ба идораи хатари офатҳои табиӣ таҳким меёбад
ДУШАНБЕ, 01.11.2023 /АМИТ «Ховар»/. Дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз ҷониби Бонки Осиёии Рушд (БОР) лоиҳаи «Баланд бардоштани системаи реактивии ҳифзи иҷтимоӣ ба хатарҳои иқлимӣ ва коҳиши хатари офатҳо» рӯнамоӣ шуд. Дар ин хусус АМИТ «Ховар» бо истинод ба ин Кумита хабар медиҳад.
Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода 31 октябр бо ҳайати Бонки Осиёии Рушд (БОР) бо сарварии мутахассис оид ба тағйири иқлим Малте Маас ва мушовир оид ба рушди лоиҳаҳо дар Аврупо, Осиёи Марказӣ, давлатҳои Шарқи Наздик ва Африқои Шимолӣ Бранко Венерт мулоқот намуд.
Ҳадафи мулоқот баррасии таҳкими ҳамкории минбаъда байни БОР ва Кумита дар татбиқи тарҳҳои оянда дар самти идораи хатари офатҳои табиӣ ба ҳудуди Тоҷикистон буд.
Дар ҷараёни мулоқот Рустам Назарзода ба меҳмонон дар бораи фаъолияти кумита, воҳидҳои сохтории он ва ҳамкории байналмилалӣ дар самти пешгирӣ ва рафъи оқибатҳои офатҳои табиӣ маълумот дод. Ҳамчунин ӯ дар бораи ҳолатҳои фавқулодаи соли равон дар мамлакат рухдода, дастгирии ҳукумат ва расонидани ёрии саривақтӣ нақл намуд.
Инчунин оид ба минтақаҳои осебпазири Тоҷикистон, корҳои анҷомёфта дар ин минтақаҳо ҷиҳати пешгирӣ аз хатари офатҳои табиӣ, амалӣ намудани корҳои наҷот, системаҳои огоҳкунии пешакӣ ва системаҳои иттилоотӣ маълумот дода шуд.
Дар фарҷоми мулоқот байни ҷонибҳо доир ба мавзуъҳои баррасишуда табодули афкор доир шуд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
