Ба ифтихори Рӯзи Президенти Тоҷикистон дар маҳаллаи 4-уми шаҳри Турсунзода гулгашти зебову замонавӣ ба истифода дода шуд
ТУРСУНЗОДА, 16.11.2023 /АМИТ «Ховар»/. Ба ифтихори Рӯзи Президенти Ҷумҳурии Тоҷикистон дар маҳаллаи 4-уми шаҳри Турсунзода гулгашти зебову замонавӣ бо фарогирии нуқтаҳои савдо, майдончаи бозии кӯдакон, нишастгоҳҳои тозаву озода, роҳравҳои сафолакпӯш ва фазои равшану чароғон мавриди баҳрабардорӣ қарор дода шуд. Дар ин хусус ба мухбири минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии шаҳри Турсунзода иттилоъ доданд.
Гулгашт бо ташабуси Мақомоти иҷроияи ҳокимияти давлатии шаҳр ва саҳми соҳибкорон дар масоҳати 9000 метри мураббаъ сохта шуда, барои гаштугузори шабонаи сокинону меҳмонони шаҳр ва кӯдакону наврасон хеле мувофиқ ва ҷолиб аст.
Сармеъмори шаҳри Турсунзода Ҷамшед Зоирзода иброз дошт, ки ба ифтихори Рӯзи Президенти Ҷумҳурии Тоҷикистон дар ҳудуди шаҳри Турсунзода бо иштироки меҳмонон ва раиси шаҳр боз биноҳои истиқоматии 7 ва 14-ошёнагӣ дар маҳаллаи якум ва бинои дармонгоҳи наву замонавӣ дар маркази шаҳр ба истифода дода мешаванд.
Дар доираи ҷашни 35-солагии Истиқлоли давлатии Ҷумҳурии Тоҷикистон дар ҳамкорӣ бо соҳибкорон дар маркази шаҳр ва ҷамоатҳои шаҳраку деҳоти шаҳри Турсунзода корҳои ободонӣ вусъат ёфта, бунёду барқарорсозии 435 иншооти мухталиф ба нақша гирифта шудааст. То имрӯз 172 иншооти гуногун ба истифода дода шуда, роҳҳои байнидеҳавӣ ва дорои аҳамияти маҳаллии шаҳри Турсунзода бо маблағгузории мақомоти иҷроия, ҷалби соҳибкорону саҳми сокинони деҳот беш аз 60 км асфалтпӯш гардидааст. Дар иншооти боқимонда корҳои сохтмонӣ идома доранд.
АКС: Мақомоти иҷроияи ҳокимияти давлатии шаҳриТурсунзода
Пешвои миллат Эмомалӣ Раҳмон дар Неругоҳи «Роғун» аз хобгоҳи бунёднамудаи ҶСК «Тоҷикгидроэлектромонтаж» боздид намуданд
Президенти Ҷумҳурии Тоҷикистон Эмомалӣ Раҳмон дар шаҳри Роғун ду иншооти дигарро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Роғун бинои нави нозироти андози шаҳрро ифтитоҳ намуданд
Пешвои миллат Эмомалӣ Раҳмон дар маркази шаҳри Роғун бинои нави Прокуратураро ифтитоҳ намуданд
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
Дар ноҳияи Абдураҳмони Ҷомӣ мумфаршкунии роҳҳо вусъати тоза мегирад
«САМАРАИ ИСТИҚЛОЛ». Таҳти чунин унвон Иттифоқи журналистони Тоҷикистон озмун эълон менамояд
Дар Китобхонаи миллии Тоҷикистон оид ба рушди фаъолияти китобдорӣ дар даврони соҳибистиқлолӣ ҳамоиш баргузор гардид
35-СОЛАГИИ ИСТИҚЛОЛИ ДАВЛАТӢ. Дар Ҷамоати деҳоти Эсанбойи ноҳияи Рӯдакӣ роҳпаймоӣ доир гардид
35-СОЛАГИИ ИСТИҚЛОЛИ ДАВЛАТӢ. Дар Ҷамоати деҳоти Ҳиҷбораки Рашт маркази саломатии деҳот ба истифода дода шуд
