Бахшида ба Рӯзи Парчами давлатӣ дар Қасри фарҳанги ноҳияи Восеъ ҳамоиши тантанавӣ доир шуд

Ноябрь 24, 2023 17:40

ВОСЕЪ, 24.11.2023. /АМИТ «Ховар»/. Бахшида ба Рӯзи Парчами  давлатии Ҷумҳурии Тоҷикистон кӯчаҳои маркази ноҳияи Восеъ, деҳаву маҳаллаҳо ва назди ташкилоту корхонаҳо бо шиору овезаҳо оро дода шуданд, хабар медиҳад мухбири минтақавии АМИТ «Ховар» Сулаймон Холзода.

Дар маҷлиси тантанавӣ бахшида ба Рӯзи Парчами давлатӣ иброз гардид, ки «Парчам ифодагари иттиҳоди халқу миллатҳо буда,онҳоро ба ҳам қарину дӯст ва ҳамдилу ҳамроз менамояд. Рӯзи Парчами Ҷумҳурии Тоҷикистон бори нахуст ҳамчун иди миллӣ 24 ноябри соли 2009 бо ифтихор аз давлату давлатдорӣ ва соҳибистиқлолию соҳибихтиёрӣ ҷашн гирифта шуд. Президенти Ҷумҳурии Тоҷикистон муҳтарам Эмомалӣ Раҳмон дар он рӯз мардуми шарифи мамлакат ва ҳамватанони бурунмарзиро ба ифтихори ин ҷашни нави миллӣ ва давлатӣ табрик намуда, иброз намуданд, ки Парчами имрӯзаи давлатӣ яке аз рамзҳои муҳими истиқлолияти миллӣ ва давлатдории муосири мо, таҷассумгари асосҳои таърихӣ ва рамзҳои давлатдории мо, инчунин ифодакунандаи мақсаду маром ва орзуву ормонҳои тамоми мардуми Тоҷикистон мебошад».

Бешак, Парчами давлатии Тоҷикистони соҳибистиқлол  рамзи бахту саодат, сарсабзиву хуррамӣ ва сарбаландии миллату давлати тоҷикон мебошад.

Тибқи муқаррароти моддаи 3-и Конститутсияи Ҷумҳурии Тоҷикистон, «рамзҳои давлатии Тоҷикистон-Парчам, Нишон ва Суруди миллӣ мебошанд».

Парчами давлатӣ тамоми сокинони мамлакатро ба ифтихор аз давлату давлатдорӣ, таҳкими истиқлолияти миллӣ, ҳифзи дастовардҳои он ва пеш аз ҳама, ба ваҳдати миллӣ ва ободии сарзамини аҷдодӣ раҳнамун месозад.

Дар фарҷом аҳли ҳунару фарҳанги ноҳия барномаи рангини суруду таронаҳои ватандӯстонаро манзури иштирокдорону меҳмонон гардониданд.

АКС: АМИТ «Ховар»

Ноябрь 24, 2023 17:40

Хабарҳои дигари ин бахш

Имрӯз дар Тоҷикистон ҳавои тағйирёбанда мешавад
РӮЗИ ДИЛОВАРОНИ ШУҶОИ ВАТАН. Дар Донишкадаи кӯҳию металлургии Тоҷикистон 31-солагии таъсиси Қувваҳои Мусаллаҳ таҷлил гардид
ШАҲРВАНДОНИ КОМИЛҲУҚУҚ. Ба 1152 хатмкунандаи муассисаҳои таълимии ноҳияи Восеъ шиноснома дода шуд
Финляндия дар бораи эпидемияи вирус байни кӯдакони хурд хабар додааст
Дар «Тоҷикфилм» Рӯзи Қувваҳои Мусаллаҳи Ҷумҳурии Тоҷикистонро таҷлил намуданд
МЕВАҲОИ ИСТИҚЛОЛ. Намоиш-фурӯши корҳои эҷодии донишҷӯёни Донишгоҳи давлатии Хуҷанд доир шуд
Дар Венесуэла 15 нафар ҳангоми фурӯрезии кон ба ҳалокат расид
Дар якчанд минтақаи Чин бо сабаби барфу боронҳои шадид низоми вокуниши изтирорӣ фаъол шудааст
«КИТОБҲО БАРОИ МУҲОФИЗОНИ ВАТАН». Дар доираи ин ташаббус ба афсарону сарбозон зиёда аз 200 китоб тақдим гардид
Дар Душанбе беш аз 6 ҳазор радар насб мешавад
Дар Донишгоҳи давлатии Хуҷанд 31-солагии Қувваҳои Мусаллаҳро ҷашн гирифтанд
Имрӯз дар Тоҷикистон хавфи сар задани зуҳуроти тарма боқӣ мемонад