Байни кормандони Донишгоҳи давлатии ҳуқуқ, бизнес ва сиёсати Тоҷикистон мусобиқаи футбол оғоз гардид

ДУШАНБЕ, 22.11.2023 /АМИТ «Ховар»/.  Бахшида ба Рӯзи Парчами давлатӣ  дар  варзишгоҳи Донишгоҳи давлатии ҳуқуқ, бизнес ва сиёсати Тоҷикистон маросими ифтитоҳи мусобиқаи варзишӣ оид ба футболи хурд байни кормандону омӯзгорони донишгоҳ  баргузор гардид. Дар ин хусус АМИТ «Ховар» бо истинод ба шуъбаи таҳлил ва робита бо ҷомеаи Донишгоҳ хабар медиҳад.

Дар оғози мусобиқаи варзишӣ роҳбарият, садорати факултетҳо ва устодону донишҷӯёни донишгоҳ иштирок намуданд. Мусобиқа аз 21 то 25 ноябр  дар варзишгоҳи донишгоҳ баргузор мегардад.

Иброз шуд, ки мақсади мусобиқа- тарғибу ташвиқи тарзи ҳаёти солим байни кормандону устодон, мустаҳкам намудани алоқаи дӯстӣ байни онҳо, баланд бардоштани маҳорати варзишии кормандону омӯзгорон, муайян намудани дастаи мунтахаби донишгоҳ ва иштирок дар мусобиқаҳои сатҳи шаҳрӣ, вилоятӣ ва ҷумҳуриявӣ мебошад.

Дастаҳои ғолиб бо маблағҳои пулӣ ва медалу дипломҳои раёсати донишгоҳ қадршиносӣ мешаванд.

АКС: Шуъбаи таҳлил ва робита бо ҷомеаи Донишгоҳи давлатии ҳуқуқ, бизнес ва сиёсати Тоҷикистон