Дар Душанбе оид ба нақши Президенти Ҷумҳурии Тоҷикистон дар ташаккули хизмати давлатӣ чорабинӣ баргузор шуд
ДУШАНБЕ, 16.11.2023 /АМИТ «Ховар»/. 16 ноябр чорабинии муштараки тантанавии Агентии хизмати давлатӣ ва Донишгоҳи техникии Тоҷикистон ба номи академик Муҳаммад Осимӣ таҳти унвони «Нақши Президенти Ҷумҳурии Тоҷикистон дар ташаккули хизмати давлатӣ дар Ҷумҳурии Тоҷикистон» ба ифтихори Рӯзи Президенти Ҷумҳурии Тоҷикистон баргузор гардид. Дар ин хусус ба АМИТ «Ховар» дар Агентии хизмати давлатӣ хабар доданд.
Таъкид гардид, ки дар асоси тағйиру иловаҳо ба Қонуни Ҷумҳурии Тоҷикистон «Дар бораи рӯзҳои ид» аз 14 майи соли 2016 ҳамасола 16 ноябр дар мамлакат Рӯзи Президенти Ҷумҳурии Тоҷикистон таҷлил карда мешавад.
Гуфта шуд, ки солҳои аввали соҳибистиқлолӣ халқи тоҷик давраи басо мушкилро паси сар намуда, бо як қатор душвориҳо рӯ ба рӯ гардид. Барои пешгирии парокандашавии давлат, барқарорсозии ҳокимияти давлатӣ ва ҳифзи соҳибистиқлолии Тоҷикистон нақши Иҷлосияи XVI Шурои Олии Ҷумҳурии Тоҷикистон бениҳоят бузург мебошад. Дар ҳамин Иҷлосияи тақдирсоз зимоми давлатсозӣ ба дӯши фарзанди фарзонаи миллат муҳтарам Эмомалӣ Раҳмон афтод.
«Муҳтарам Эмомалӣ Раҳмон аз рӯзҳои аввал ва давоми фаъолият ҳамчун Сарвари давлат баргардонидани гурезагон, таҳкими барқарорсозии субот, ҳокимияти давлатӣ, ташкили Қувваҳои Мусаллаҳ, ҳифзи сарҳад, эҳёи арзишҳои миллию фарҳангӣ ва таъмини зиндагии осоиштаю арзанда барои ҳар як сокини мамлакатро ҳамчун вазифаҳои меҳварии ҳукумати нав муайян намуда, барои иҷрои ин ҳадафҳо Ҳукумати Ҷумҳурии Тоҷикистон тадбирҳои судманд андешид. Аз ҷумла, барои инкишофи ҳамаи соҳаҳои ҳаёти сиёсӣ, иқтисодӣ, иҷтимоӣ, фарҳангӣ шароитҳо фароҳам оварда шуд», — тазаккур дода шуд дар чорабинӣ.
Дар идома иброз гардид, ки бо мақсади рушди соҳаҳои мухталифи хоҷагии халқ як қатор санадҳои меъёрии ҳуқуқӣ, консепсияву стратегияву барномаҳои давлатӣ қабул ва амалӣ карда шуданд.
АКС: Агентии хизмати давлатӣ
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
