Дар Рашт намояндагии Муассисаи давлатии «Ташаккул ва рушди соҳибкории Тоҷикистон» ба истифода дода шуд
ДУШАНБЕ, 27.11.2023 /АМИТ «Ховар»/. Дар маркази ноҳияи Рашт маросими ифтитоҳи намояндагии Муассисаи давлатии «Ташаккул ва рушди соҳибкории Тоҷикистон»- и назди Кумитаи давлатии сармоягузорӣ ва идораи амволи давлатӣ дар минтақаи Рашт баргузор гардид, хабар медиҳад АМИТ «Ховар» бо истинод ба Кумитаи давлатии сармоягузорӣ ва идораи амволи давлатӣ.
Дар маросими мазкур роҳбарияти Кумитаи давлатии сармоягузорӣ ва идораи амволи давлатӣ, роҳбарияти ноҳияи Рашт, намояндагони Муассисаи давлатии «Ташаккул ва рушди соҳибкории Тоҷикистон»-и назди Кумита, шарикони рушд, ассотсиатсияҳо, соҳибкорон ва дигар шахсони масъул иштирок намуданд.
Таъкид гардид, ки дар партави сиёсати созандаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади рушди соҳибкорӣ ва ҷалби ҳарчи бештари сармояи дохиливу хориҷӣ ислоҳоти муҳим гузаронида шуд.
Дар ин раванд рушди дастурии соҳа ташаккул ёфта, бо мақсади дастгирии методӣ ва машваратии соҳибкорон, аз ҷумла соҳибкорони ҷавон намояндагии Муассисаи давлатии «Ташаккул ва рушди соҳибкории Тоҷикистон» дар ноҳияи Рашт таъсис дода шуд.
Бинои намояндагӣ дар масоҳати 113 м2 ҷойгир буда, аз толори баргузории чорабиниҳо бо 35 ҷойи нишаст, маъмурият, 3 утоқи алоҳида барои резидентон, гӯшаи баргузории гуфтушунидҳо ва ҷойи баргузории кофе-брейкҳо иборат аст. Фаъолияти ин намояндагӣ на танҳо ба ноҳияи Рашт, балки ба шаҳру ноҳияҳои Тоҷикобод, Нуробод, Лахш, Сангвор ва Роғун низ равона гардидааст.
Дар анҷом маросими ҷамъбасти озмуни минтақавии «Беҳтарин лоиҳаи инноватсионӣ» дар самтҳои сайёҳӣ, хоҷагидорӣ ва ҳунарҳои мардумӣ баргузор гардида, ба ғолибон туҳфаҳои хотиравӣ супорида шуд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
