Дар шаҳри Ҳисор дармонгоҳи сайёр бо хизматрасонии тиббии ройгон ба фаъолият шуруъ намуд
ҲИСОР, 21.11.2023/АМИТ «Ховар»/. Дар ҳудуди варзишгоҳи «Ҷавонӣ»-и шаҳри Ҳисор дармонгоҳи сайёри филиали ширкати шоҳигарии норвегии «Нормека Интернешнел АС» ба фаъолият шуруъ намуд. Дар ин хусус аз мақомоти шаҳри Ҳисор ба хабарнигори минтақавии АМИТ «Ховар» Субҳониддини Маҳмуд иттилоъ дод.
Намояндагони филиали ширкати шоҳигарии норвегии «Нормека Интернешнел АС» барои татбиқи Барномаи «Фаёл Хайр» ва ифтитоҳи дармонгоҳи чоруми сайёр дар шаҳри Ҳисор қарор доранд.
Роҳбарияти шаҳри Ҳисор ба Ҳукумати Ҷумҳурии Тоҷикистон, Барномаи «Фонди хайриявии шоҳ Абдуллоҳ бин Абдулазиз» ва пудратчии лоиҳа – «Бонки исломии рушд», ки дар доираи созишномаҳои грантӣ барои ҷумҳурии мо ба таври бебозгашт маҷмуи клиникаҳои сайёрро харидорӣ ва дар ихтиёри сокинони деҳоти Тоҷикистон, аз ҷумла муваққатан дар шаҳри Ҳисор гузоштаанд, арзи сипос намуданд.
Масъулини барнома аснои шиносоӣ бо утоқҳои хизматрасонии тиббии дармонгоҳ иттилоъ доданд, ки табибону мутахассисони соҳибкасб дар инҷо бо истифода аз дастгоҳҳои тиббии муосир ташхисҳои лабораторӣ, томографияи компютерӣ, монография, систоскопия (амрози занона), гостроскопия (амрози бемориҳои дарунӣ), колоноскопия (рӯдаи ғафс), рентген, УЗИ, ҷарроҳиҳои хурди гуногун, аз ҷумла катарактаи чашмро амалӣ менамоянд. Инчунин беморон 10 рӯз бо доруҳои зарурӣ ройгон таъмин гардида, мошинҳои ёрии таъҷилӣ ба онҳо хизмат мерасонанд.
Дар ҷараёни татбиқи амалии барнома дар навбати аввал пиронсолон, маъюбон, шахсони бесаробон, собиқадорони ҷангу меҳнат, садамаи Чернобил ба табобат фаро гирифта мешаванд
Бо ташаббуси Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Тоҷикистон солҳои дароз аст, ки дар партави сиёсати “дарҳои кушода”-и Ҳукумати Ҷумҳурии Тоҷикистон бо ниҳодҳои молиявии байналмилалӣ ва дигар шарикони рушд ҳамкории муваффақона дорад. Хушбахтона, бо дастгирии онҳо дар тамоми соҳаҳо садҳо лоиҳаяву барномаҳои сармоягузорӣ амалӣ мегарданд.
АКС: Мақомоти иҷроияи ҳокимияти давлатии шаҳри Ҳисор
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
