Фонди саудии рушд барои сохтмони НБО-и «Роғун» 100 миллион доллари ИМА қарзи боимтиёз ҷудо менамояд
ДУШАНБЕ, 02.11.2023 /АМИТ «Ховар»/. Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон Ар-Решайдон дар нишасти матбуотӣ, ки 1 ноябр дар шаҳри Душанбе бо иштироки намояндагони воситаҳои ахбори омма баргузор гардид, иттилоъ дод, ки Фонди саудии рушд барои сохтмони Неругоҳи барқи обии «Роғун» дар ҳаҷми 100 миллион доллари ИМА қарзи боимтиёзи рушд ҷудо менамояд.
Дар идомаи нишасти матбуотӣ Валид ибни Абдурраҳмон Ар-Решайдон изҳор дошт, ки «лоиҳаи сохтмони Неругоҳи барқи обии «Роғун» зери роҳбарии Президенти Ҷумҳурии Тоҷикистон муҳтарам Эмомалӣ Раҳмон амалӣ мегардад ва бузургтарин лоиҳа дар минтақа ба шумор меравад. Ин лоиҳаи ҳаётан муҳими рушд бо аҳамият ба масъалаи муҳити зист дар раванди рушди босуботи мамлакат тавассути истифодаи самараноки захираҳои табиӣ, аз ҷумла энергияи «сабз» саҳми бузург мегузорад».
Бояд гуфт, ки маблағе, ки барои сохтмони Неругоҳи барқи обии «Роғун» ҷудо мешавад, 50 фоизи ҳаҷми умумии маблағҳои тақдимнамудаи ин Фондро аз оғози фаъолияти он дар Тоҷикистон (соли 2002) ташкил медиҳад.
Дар нишасти матбуотӣ изҳор шуд, ки ҷудо намудани маблағ таваҷҷуҳи хоссаи Ҳукумати Шоҳигарии Арабистони Саудиро ҷиҳати дастгирии Ҳукумати Ҷумҳурии Тоҷикистон дар амалисозии лоиҳаҳои рушди стратегии ояндадори мамлакат инъикос менамояд.
Ёдовар мешавем, ки 6 октябри соли равон Вазорати молияи Ҷумҳурии Тоҷикистон ва Фонди саудии рушд оид ба маблағгузории марҳилаи панҷуми лоиҳаи «Сохтмон ва таҷҳизонидани мактабҳо дар Ҷумҳурии Тоҷикистон» Созишнома ба имзо расониданд. Тибқи ин созишнома, Фонди саудии рушд ба маблағи 20 млн доллари ИМА қарзи рушд ҷудо намуд. Умуман, аз 195 млн доллари ИМА, ки Фонди рушди саудӣ дар Тоҷикистон маблағгузорӣ намудааст, 95 млн доллари ИМА ба бахши маориф рост меояд.
АМИТ «Ховар» қаблан иттилоъ дода буд, ки Шоҳигарии Арабистони Саудӣ барои таҳсили шаҳрвандони Ҷумҳурии Тоҷикистон дар риштаҳои маориф, менеҷмент ва идоракунӣ, иқтисодиёт, IT-технологияҳо, аграрӣ, техникӣ ва муҳандисӣ, табиӣ ва риёзӣ ва соҳаи фарҳанг бурсия ҷудо намудааст.
А. САНГЗОДА,
АМИТ «Ховар»
АКС аз АМИТ «Ховар»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
