Футболбозони навраси тоҷик бар дастаи мунтахаби наврасони Русия ғолиб омаданд
ДУШАНБЕ, 21.11.2023 /АМИТ «Ховар»/. 20 ноябр дар варзишгоҳи марказии шаҳри Душанбе бозии дӯстона байни дастаҳои мунтахаби наврасони то 17-солаи Тоҷикистон ва Русия оид ба футбол дар сатҳи баланд баргузор гардид, ки дар он футболбозони тоҷик бо ҳисоби 2:1 ғолиб омаданд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Дар нимаи аввали бозӣ дастаи мунтахаби наврасони Тоҷикистон ду гол ба нишон расонида, бо бартарии боваринок ба таннафус баромад. Дар нимаи дуюми вохӯрӣ бозигарони дастаи мунтахаби наврасони Русия як голи ҷавобӣ заданд, вале ҳисоб дигар тағйир наёфт. Бозӣ бо пирӯзии дастаи мунтахаби наврасони Тоҷикистон бо ҳисоби 2:1 анҷом ёфт.
Ёдовар мешавем, ки 17 ноябр нахустин бозии дӯстонаи дастаи мунтахаби наврасони то 17-солаи Тоҷикистон бо дастаи мунтахаби наврасони Русия дар шаҳри Душанбе бо натиҷаи мусовии 2:2 анҷом ёфта буд.
Голҳои дастаи мунтахаби наврасони Тоҷикистонро дар ин бозии ҷолиб Ориёнмеҳри Нуриддин ва Муҳаммадҷони Тоҳирӣ ба ҳадаф расониданд. Аз ҳайати меҳмонон голҳоро Артём Пономарчук ва Артём Кузменко ба нишон расониданд.
АКС: Федератсияи футболи Тоҷикистон
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
