Имрӯз дар баъзе ноҳияҳои Тоҷикистон чангу ғубор ба амал меояд

ДУШАНБЕ, 29.11.2023. /АМИТ «Ховар»/. Имрӯз дар Тоҷикистон ҳавои тағйирёбандаи бебориш пешгӯӣ шуда, дар ноҳияҳои алоҳида бориш дар назар аст. Шамол аз самти шарқ 7-12, дар баъзе ноҳияҳо бо шиддати то 17-22 метр дар як сония вазида, чангу ғубор ба амал меояд. Ҳарорат рӯзона то 3 дараҷа паст мефарояд. Дар ин хусус АМИТ «Ховар» бо истинод ба Агентии обуҳавошиносии ҷумҳурӣ хабар медиҳад.

Дар Вилояти Мухтори Кӯҳистони Бадахшон ҳавои тағйирёбандаи бебориш шуда, шамол аз самти шарқ бо гузариш ба ғарб 5-10 метр дар як сония мевазад. Ҳаво дар ғарб шабона аз 2-7 дараҷа хунук, рӯзона 7+12 дараҷа гарм, дар шарқ шабона 13-18 дараҷа хунук, рӯзона аз 2 дараҷа хунук то 3 дараҷа гарм мешавад.

Дар вилояти Суғд ҳавои тағйирёбанда пешгӯӣ шуда, дар ноҳияҳои алоҳида борон (дар баландиҳои зиёда аз 2000 метр борон-барф) ба амал меояд. Шамол аз самти шарқ бо гузариш ба ғарб 4-9, дар баъзе ноҳияҳо бо шиддати то 10-15  метр дар як сония мевазад. Ҳаво дар водиҳо шабона 1+6 дараҷа, рӯзона 11+16 дараҷа, дар ноҳияҳои кӯҳӣ шабона 1-6 дараҷа хунук ва рӯзона 4+9 дараҷа гарм мешавад.

Дар вилояти Хатлон ҳавои тағйирёбандаи бебориш дар назар дошта шуда, шамол аз самти шарқ бо гузарш ба ғарб 5-10, дар ноҳияҳои алоҳида бо шиддати то 17-22 метр дар як сония вазида, чангу ғубор ба амал меояд. Ҳаво дар водиҳо шабона 2+7, рӯзона 14+19, дар доманакӯҳҳо шабона 3+8 ва рӯзона 12+17 дараҷа гарм мешавад.

Дар ноҳияҳои тобеи ҷумҳурӣ ҳавои тағйирёбандаи бебориш пешгўӣ шуда, шамол аз самти шарқ бо гузариш ба ғарб 5-10, дар баъзе ноҳияҳо бо шиддати то 10-15 метр дар як сония вазида, чангу ғубор ба амал меояд. Ҳарорат дар водиҳо шабона 2+7 дараҷа, рӯзона 12+17 дараҷа, дар ноҳияҳои кӯҳӣ ҳаво шабона 0+5 дараҷа ва рӯзона 8+13 дараҷа гарм мешавад.

Дар Душанбе ҳавои тағйирёбандаи бебориш шуда, шамол аз самти шарқ бо гузариш ба ғарб  бо шиддати 7-12 метр дар як сония мевазад. Ҳаво шабона 5+7 ва рӯзона 15+17 дараҷа гарм мешавад.