«МУАРРИФИИ ИМКОНИЯТИ САЙЁҲИИ ТОҶИКИСТОН БАРОИ ҶАВОНОНИ ХОРИҶӢ». Дар ин мавзуъ форуми ҷавонон доир шуд
ДУШАНБЕ, 16.11.2023 /АМИТ «Ховар»/. Дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи Президенти Ҷумҳурии Тоҷикистон таҳти унвони «Муаррифии имконияти сайёҳии Тоҷикистон» Форуми ҷавонон барои ҷавонони хориҷӣ баргузор гардид. Дар ин хусус АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон хабар медиҳад.
Дар ҳамоиш намояндаи Кумитаи рушди сайёҳӣ сухан гуфта, нақши Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро давоми се даҳсолаи охир дар муаррифии имиҷи сайёҳии мамлакат ба сокинони сайёра баланд арзёбӣ намуд. Иброз гардид, ки давоми солҳои соҳибистиқлолӣ бо саъю талоши Ҳукумати мамлакат ва мардуми шарафманди тоҷик ба бунёди роҳу пулҳои муосир, нақбҳо, неругоҳҳои барқӣ-обӣ, садҳо корхонаи хурду бузурги саноатӣ, зербинои муосири коммуникатсионӣ, энергетикиву саноатӣ ва инфрасохтори зарурии сайёҳии мамлакат саҳми арзанда гузошта, низоми ягонаи энергетикӣ ба вуҷуд оварда шуд ва Тоҷикистони сепорча ба қаламрави воҳид ва давлати транзитӣ мубаддал гардид.
Президенти Ҷумҳурии Тоҷикистон мамлакатро бо ҷаҳон ва ҷаҳонро бо Тоҷикистон наздик гардониданд ва сиёсати пешгирифтаи «дарҳои кушода» сабаби болоравии бесобиқаи нуфузу обрӯи Тоҷикистон дар ҷомеаи байналмилалӣ гардид.
Маҳз чунин сиёсати дурбинонаи Пешвои миллат ба мустаҳкам гардидани робитаҳои Тоҷикистон бо ҳамаи давлатҳои ҷаҳон, бахусус давлатҳои минтақа мусоидат намуд.
Дар ҳамоиш иқтидори сайёҳии мамлакат, дастовардҳои соҳаи сайёҳӣ дар зарфи беш аз се даҳсола ва дурнамои соҳаи сайёҳӣ барои солҳои минбаъда дар шакли рӯнамо ва видео-роликии таблиғотии сайёҳӣ, ки аз ҷониби гурӯҳи эҷодии телевизиони ҷаҳонии хабарии «BBC» омода шудааст, пешкаши ҳозирин гардонида шуд.
Дар форум гирандагони Стипендияи Президенти Ҷумҳурии Тоҷикистон аз муассисаҳои таҳсилоти миёнаи умумии пойтахт ва донишҷӯёни хориҷӣ аз давлатҳои Афғонистон, Покистон, Узбекистон, Туркманистон, Ҷумҳурии Мардумии Чин ва Ҷопон, ки дар муассисаҳои таҳсилотии олии мамлакат таҳсил менамоянд, иштирок намуданд.
Пешниҳод шуд, ки донишҷӯён метавонанд бо истифода аз фановариҳои иттилоотию коммуникатсионӣ ҳолати тинҷию оромӣ, маконҳои дилкашу ҷолиби сайёҳӣ ва ёдгориҳои таърихию фарҳангии Тоҷикистонро тавассути шабакаҳои иҷтимоӣ ба дӯстон ва ҳаводорони сайру саёҳат пешкаш намоянд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Пажуҳишгоҳи амрикоии «Gallup» Тоҷикистонро аз лиҳози амнияту субот дар ҷойи сеюм қарор дод
Дар Эрон Форуми сайёҳии Тоҷикистон ва Эрон баргузор гардид
Донишгоҳи байналмилалии сайёҳӣ ва соҳибкории Тоҷикистон ва Донишгоҳи давлатии технологии Беларус ҳамкориро густариш медиҳанд
Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
Намояндагони Донишгоҳи байналмилалии сайёҳӣ ва соҳибкории Тоҷикистон дар Пекин дар ҳамоиш доир ба масоили «Иқтисоди сабз» иштирок намуданд
Ҳайати Донишгоҳи байналмилалии сайёҳӣ ва соҳибкорӣ дар конфронси байналмилалӣ дар Чин иштирок намуд
«Таҷлили Рӯзи Парчами давлатӣ барои баланд бардоштани ҳисси ватандӯстӣ ва бедор кардани эҳсоси ҳифзи марзу бум нақши муассир дорад», — бардошт аз ҳамоиш дар Кумитаи рушди сайёҳӣ
Донишгоҳи байналмилалии сайёҳӣ ва соҳибкории Тоҷикистон ва Донишгоҳи Чиндао Бинҳайи Чин Созишномаи ҳамкорӣ ба имзо расониданд
Дар Душанбе ҷаласаи даҳуми Шурои ҳамоҳангсози миллӣ оид ба рушди соҳаи сайёҳӣ баргузор гардид
Имконоти сайёҳии Ҷумҳурии Тоҷикистон ва Конфедератсияи Швейтсария муаррифӣ шуданд
ЭҲЁИ ҲУНАРҲОИ МАРДУМӢ. Бо Пешвои миллати фарҳангдӯст ва ҳунарпарварамон ифтихор дорем
Хатсайрҳои сайёҳӣ бо мақсади шиносоӣ бо таърихи фаъолият ва корномаи давлатсозии Эмомалӣ Раҳмон ҷамъбаст шуданд
