МУШКИЛОТИ САЙЁҲИИ ДОХИЛӢ. Дар Донишгоҳи давлатии омӯзгории Тоҷикистон бо мақсади рушди ин соҳа ҳамоиш доир шуд
ДУШАНБЕ, 02.11.2023. /АМИТ «Ховар»/. Бо ибтикори Мақомоти иҷроияи ҳокимияти давлатии шаҳри Душанбе дар ҳамбастагӣ бо Донишгоҳи давлатии омӯзгории Тоҷикистон ба номи С. Айнӣ ва Кумитаи рушди сайёҳии назди Ҳукумати Ҷумҳурии Тоҷикистон дар Донишгоҳи давлатии омӯзгории Тоҷикистон ба номи С. Айнӣ дар мавзуи «Проблемаҳои инкишофи сайёҳии дохилӣ дар замони муосир» конференсияи ҷумҳуриявии илмӣ-амалӣ баргузор гардид. Дар ин хусус ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.
Конференсия бо мақсади амалисозии Стратегияи рушди сайёҳӣ дар Ҷумҳурии Тоҷикистон барои давраи то соли 2030 барои солҳои 2023-2026 доир шуд. Дар он намояндагони вазорату идораҳо, Мақомоти иҷроияи ҳокимияти давлатии шаҳри Душанбе, коршиносону муҳаққиқони соҳа, осорхонаву ширкатҳои сайёҳӣ ва воситаҳои ахбори омма иштирок намуданд.
Конференсия дар 5 қисмат, бахши ифтитоҳӣ ва 4 иҷлосия дар мавзуъҳои «Сайёҳии экологӣ- омили муҳими рушди устувор ва ҳифзи муҳити зист», «Сарватҳои табиӣ ҳамчун омили ташаккулёбии соҳаи сайёҳӣ», «Нақши ёдгориҳои фарҳангӣ ва таърихии Тоҷикистон дар рушди сайёҳии дохилӣ» ва «Масъалаҳои мубрами рушди устувори сайёҳии дохилӣ дар минтақаҳои сайёҳӣ ва рекреатсионии Тоҷикистон» гузаронида шуд.
Гуфта шуд, ки сайёҳӣ яке аз соҳаҳои муҳими рушди иқтисодиёти миллӣ ва муаррифи фарҳангу тамаддуни ҳар давлат маҳсуб мешавад. Солҳои охир бо дастуру роҳнамоии Президенти мамлакат таваҷҷуҳи Ҳукумати ҷумҳурӣ ба рушди соҳаи сайёҳӣ бештар гардида, санадҳои муҳими меъёриву ҳуқуқӣ ва татбиқи нақшаву ибтикороти алоҳида амалӣ мегардад.
Дар ин замина имконияти хизматрасонӣ дар соҳа густариш ёфта, инфрасохтори мухталифи хизматрасонӣ бо назардошти меъёрҳои байналмилалӣ бунёд мегардад, ки ҳамарӯза талаботи ҳазорҳо сайёҳони дохилию хориҷиро қонеъ менамояд.
АКС: шуъбаи иттилоотии дастгоҳи Раиси шаҳри Душанбе
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд
Дар Хуҷанд конференсияи байналмилалии илмӣ-амалии «Мероси Суғди бостонӣ» баргузор гардид
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
