Намояндаи Тоҷикистон дар 5-умин Конфронси вазирони меҳнати Созмони ҳамкории исломӣ дар Озарбойҷон иштирок намуд

Ноябрь 25, 2023 14:12

ДУШАНБЕ, 25.11.2023. /АМИТ «Ховар»/. Вазири меҳнат, муҳоҷират ва  шуғли аҳолии Ҷумҳурии Тоҷикистон Гулнора Ҳасанзода дар 5-умин Конфронси вазирони меҳнати Созмони ҳамкории исломӣ (СҲИ),  ки дар шаҳри Бокуи Ҷумҳурии Озарбойҷон баргузор гардид, иштирок намуда, дар мавзуи «Ҳалли инноватсионӣ ва рақамикунонии хадамоти меҳнат ва шуғли аҳолӣ дар кишварҳои узви СҲИ» сухан гуфт. Дар ин хусус  АМИТ «Ховар» бо истинод ба Вазорати меҳнат, муҳоҷират ва шуғли аҳолии Ҷумҳурии Тоҷикистон хабар медиҳад.

Дар Конфронс масъалаҳои марбут ба бозори меҳнати давлатҳои аъзои СҲИ баррасӣ шуда, байни иштирокдорон роҷеъ ба барномаҳои Созмон дар самти меҳнат, шуғли аҳолӣ ва ҳифзи иҷтимоӣ, инчунин мушкилоти мавҷуда ва роҳҳои ҳалли он мубодилаи афкор доир гардид.

Дар ҳошияи ҳамоиш Гулнора Ҳасанзода бо як қатор вазирони меҳнати давлатҳои аъзои Созмон, аз ҷумла Вазири меҳнат ва ҳифзи иҷтимоии аҳолии Ҷумҳурии Озарбойҷон Сахил Бабаев ва Вазири меҳнат ва таъминоти иҷтимоии Ҷумҳурии Туркия Ведат Исихан мулоқот намуд.

Зимни мулоқот бо Сахил Бабаев ҷонибҳо дар хусуси татбиқи Созишнома байни Вазорати меҳнат, муҳоҷират ва шуғли аҳолии Ҷумҳурии Тоҷикистон ва Вазорати меҳнат ва ҳифзи иҷтимоии аҳолии Ҷумҳурии Озарбойҷон оид ба ҳамкорӣ дар сатми меҳнат ва шуғли аҳолӣ аз 20 июни соли 2016, ки муқаррароти он барои рушди соҳа равона гардидааст, мубодилаи афкор намуданд.

Дар натиҷаи мулоқот бо мақсади густариши ҳамкории минбаъда «Нақша — чорабинӣ оид ба ҳамкорӣ  байни Вазорати меҳнат, муҳоҷират ва шуғли аҳолии Ҷумҳурии Тоҷикистон ва Вазорати меҳнат ва ҳифзи иҷтимоии аҳолии Ҷумҳурии Озарбойҷон барои солҳои 2023 — 2024» ба имзо расонида шуд.

Нақша-чорабиниҳои мазкур масъалаҳои марбут ба баргузории машваратҳои дуҷониба дар доираи табодули дониш ва таҷрибаи пешрафта дар самтҳои мониторинг ва дурнамои бозори меҳнат, меъёрҳои муайянсозии гурӯҳҳои хавф оид ба назорати давлатӣ барои риояи қонунгузории меҳнат, пешгирии шуғли ғайрирасмӣ, таъмини баробарии гендерӣ ва ҳифзи ҳуқуқи занон тибқи меъёрҳои байналмилалии меҳнат, рушди ҳунарҳои мардумӣ, бахусус қолинбофии дастӣ, хизматрасонӣ дар самти шуғл ва ғайраро дар бар мегирад.

Дар ҷараёни мулоқоти Гулнора Ҳасанзода бо Ведат Исихан ҷонибҳо масъалаҳои марбут ба татбиқи Созишнома оид ба ҳамкорӣ байни Вазорати меҳнат ва ҳифзи иҷтимоии аҳолии Ҷумҳурии Тоҷикистон ва Вазорати меҳнат ва ҳифзи иҷтимои Ҷумҳурии Туркия аз 11 ноябри соли 2002-ро, ки муқаррароти он барои рушди соҳа, аз ҷумла табодули таҷриба дар соҳаи сиёсати меҳнат ва шуғли аҳолӣ, низоми меҳнат ва ҳифзи иҷтимоӣ, тавонбахшии касбии маъюбон, ташкили назорат ба низоми меҳнат ва ҳифзи иҷтимоӣ, мониторинги инкишофи бозори меҳнат, бокортаъминкунӣ ва таълими касбии бекорон равона гардидааст,  баррасӣ  намуданд.

Дар натиҷаи мулоқот вазирони ҳар ду давлат аз муносибатҳои судманди дуҷониба изҳори қаноатмандӣ намуда, бо назардошти пешниҳодҳои матраҳгардида таъкид доштанд, ки ба ҳамкории минбаъда тақвият бахшида, Нақшаи чорабиниҳои муштарак барои солҳои 2024 – 2025 дар фурсати наздиктарин ба имзо расонида шавад.

 АКС: Вазорати меҳнат, муҳоҷират ва шуғли аҳолии Ҷумҳурии Тоҷикистон

Ноябрь 25, 2023 14:12

Хабарҳои дигари ин бахш

Дар Парлумони Тоҷикистон бо ҳайати Ҳизби Коммунистии Чин мулоқот баргузор шуд
Ба Пешвои миллат Эмомалӣ Раҳмон аз ҷониби Раиси шаҳри Душанбе Рустами Эмомалӣ лоиҳаҳои навсозии минбаъдаи пойтахт муаррифӣ гардиданд
Дар Минск вохӯрии раисони комиссияҳои марказии интихоботи Тоҷикистон ва Беларус доир шуд
Маҳмадтоир Зокирзода бо муовини Раиси Маҷлиси Шурои Давлати Қатар Ҳамда бинт Ҳассан Ал-Сулайти мулоқот намуд
Ҳамкории Кумитаи таҳсилоти ибтидоӣ ва миёнаи касбии Тоҷикистон ва Донишгоҳи давлатии Пензаи Русия густариш меёбад
Дар муассисаи фарҳангии Созмони ҳамкории иқтисодии Теҳрон «Шаби мусиқии суннатии Тоҷикистон» баргузор шуд
ҶОМИ ҶАҲОН-2026. Дастаи мунтахаби Тоҷикистон оид ба футбол дар Қатар бозиҳои тамринӣ мегузаронад
Ҳангоми истифодаи хабару маводи сомона истинод ба www.khovar.tj ҳатмӣ аст!
Дар Бохтар як зумра сарбозону афсарони қисмҳои низомӣ бо туҳфаҳои хотиравӣ сарфароз гардонида шуданд
Дар Душанбе ҷаласаи нахустини Гурӯҳи кории ҷумҳуриявӣ оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ баргузор гардид
Дар Академияи миллии илмҳои Тоҷикистон бахшида ба Рӯзи таъсиси Қувваҳои Мусаллаҳ ҳамоиши тантанавӣ доир шуд
Президенти Тоҷикистон: «Зиндагии орому осудаи мардуми мо ба қимати ҷони ҳазорон нафар ҷавонмардони ватандӯсту ҷоннисор ва бонангу номуси халқи тоҷик ба даст омадааст»