Ғолибони даври ҷумҳуриявӣ оид ба футбол байни донишҷӯён муайян ва қадршиносӣ шуданд

Ноябрь 7, 2023 16:00

ДУШАНБЕ, 07.11.2023. /АМИТ «Ховар»/. Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон марҳилаи ниҳоии мусобиқаи варзишӣ оид ба футбол байни донишҷӯёни муассисаҳои таҳсилоти олӣ ва миёнаи касбии Ҷумҳурии Тоҷикистон ҷамъбаст ва ғолибону ҷоизадорони мусобиқа дар вазъияти тантанавӣ қадрдонӣ гардиданд, хабар доданд ба АМИТ «Ховар» дар Кумитаи кор бо ҷавонон ва варзиш.

Ёдовар шудан ба маврид аст, ки чорабинӣ дар ҳамкорӣ бо Вазорати маориф ва илм ва Федератсияи футболи Тоҷикистон дар чор марҳила доир гардида, дастаҳое, ки дар сатҳи вилоятҳо, минтақаҳо ва шаҳри Душанбе ғолиб омаданд, имконияти иштирок дар марҳилаи ниҳоии чорабиниро пайдо намуданд.

Дар он ҷойи якум ба Донишкадаи тарбияи ҷисмонии Тоҷикистон ба номи Саймуъмин Раҳимов, ҷойи дуюм ба Донишгоҳи давлатии шаҳри Хуҷанд ва ҷойи сеюм ба Донишгоҳи давлатии шаҳри Бохтар ба номи Носири Хусрав сазовор дода шуд.

Ғолибону ҷоизадорон аз ҷониби муовини Раиси Кумитаи кор бо ҷавонон ва варзиш бо ҷом, диплом, медал ва туҳфаҳои хотиравӣ қадрдонӣ шуданд.

Ёдовар мешавем, ки марҳилаи ниҳоии мусобиқаи ҷумҳуриявӣ оид ба футбол байни донишҷӯёни муассисаҳои таҳсилоти олӣ ва миёнаи касбии Ҷумҳурии Тоҷикистон 31 октябри 2023 дар майдони марказии шаҳри Душанбе оғоз гардида, дастаҳо бо нишон додани маҳорат ва малакаи хуби футболбозӣ соҳиби ҷойҳои ифтихорӣ шуданд.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Ноябрь 7, 2023 16:00

Хабарҳои дигари ин бахш

ҶОМИ ҶАҲОН-2026. Дастаи мунтахаби наврасони Тоҷикистон (U-17) дастаи Кубаро мағлуб кард
Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд