Паҳлавонони навраси тоҷик дар ду рӯзи Чемпионати Осиё оид ба гӯштини ҷудо сазовори се медали тилло шуданд
ДУШАНБЕ, 18.11.2023 /АМИТ «Ховар»/. Дар рӯзи аввали Чемпионати Осиё оид ба гӯштини ҷудо байни наврасон ва ҷавонон, ки то 19 ноябр дар шаҳри Тошканди Ҷумҳурии Узбекистон идома меёбад, Ҷумҳурии Тоҷикистонро Лоиқ Қутбиддинов ва Икром Шамсов дар вазни то 55 кг, Ёсин Бобокалонов дар вазни то 60 кг , Ворис Назаров дар вазни то 66 кг ва Мадина Қурбонзода дар вазни то 48 кг намояндагӣ намуданд.
Аз байни онҳо Лоиқ Қутбиддинов ва Ёсин Бобокалонов ба гирифтани медалҳои тиллои мусобиқа даст ёфтанд. Ворис Назаров дар даври тасаллобахш ноком шуда, мақоми 7-умро соҳиб шуд. Мадина Қурбонзода бо Икром Шамсов дар рақобат барои медалҳои биринҷӣ ноком шуда, мақоми 5-умро соҳиб шуданд.
Ҳамчунин дар рӯзи дуюми Чемпионати Осиё оид ба гӯштини ҷудо байни наврасон дар шаҳри Тошканд ҷудочиёни тоҷик ба гирифтани як медали тилло даст ёфтанд. Муҳиддин Асадуллоев бо мағлуб намудани ҳамаи рақибон дар вазни то 73 кг медали тиллои мусобиқаро ба даст овард. Ин медали сеюми тиллои Тоҷикистон дар ин мусобиқа маҳсуб мешавад.
Инчунин Ҷумҳурии Тоҷикистонро дар рӯзи дуюми Чемпионати Осиё оид ба гӯштини ҷудо байни наврасон дар Тошканд Аминҷон Абдуҷалилзода бо Муҳиддин Асадуллоев дар вазни то 73 кг, Ҷаҳонгир Норов ва Яҳё Алиев дар вазни то 90 кг, Шоҳмирхурдӣ Бурҳонзода ва Аҳмад Табаров дар вазни ҷамъи 90 кг муаррифӣ намуданд. Муҳиддин Асадуллоев бо мағлуб намудани Нурмуҳаммад Муротов аз Қирғизистон, Ким Йонгмин аз Кореяи Ҷанубӣ ва Арсен Анарбеков аз Қирғизистон ба финали мусобиқа роҳ ёфт ва он ҷо бо шикаст додани Азамат Облокулови узбек медали сеюми тиллоро дар Чемпионати Осиё барои Тоҷикистон ба даст овард.
Ёдовар мешавем, ки дар ду рӯзи рақобатҳо байни наврасон ҷудочиёни мо ба гирифтани се медали тилло- Лоиқ Қутбуддинов дар вазни 55 кг, Ёсин Бобокалонов дар вазни то 60 кг ва Муҳиддин Асадуллоев дар вазни то 73 кг мушарраф гардиданд.
Меҳрони ҚУРБОН,
АМИТ «Ховар»
АКС аз манбаъҳои боз
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
