Раиси вилояти Хатлон дар ноҳияи Дӯстӣ бо кишти картошкаи зери плёнка ва парвариши чорво шинос шуд
ДУШАНБЕ, 22.11.2023 /АМИТ «Ховар»/. 21 ноябр Раиси вилояти Хатлон Давлаталӣ Саид дар ноҳияи Дӯстӣ бо ҷараёни кишти картошкаи зери плёнка дар хоҷагии деҳқонии «Файз-5»-и деҳаи Нури Вахш, парвариши ҳайвони калони шохдор ва захираи хӯроки чорво дар хонаи истиқоматии шаҳрванд Ваҳҳоб Турдиев, воқеъ дар деҳаи Навободи Ҷамоати деҳоти Нури Вахш шинос шуд. Дар ин хусус АМИТ «Ховар» бо истинод ба шуъбаи иттилоотию таҳлилии дастгоҳи Раиси вилояти Хатлон хабар медиҳад.
Хоҷагии деҳқонии «Файз-5» 5 гектарро ташкил дода, шумораи саҳмдорон 8 нафар мебошад. Самти фаъолияти хоҷагии деҳқонӣ ба сабзавоткорӣ нигаронида шудааст.
Раиси вилоят бо сарвари хоҷагӣ ва роҳбарони самти кишоварзӣ мулоқот намуда, ҷиҳати самаранок истифода бурдани заминҳои киштшаванда, сари вақт кишт намудани зироати ғалладонагӣ, картошка ва дигар маҳсулоти мавриди ниёзи аввали мардум дастуру тавсияҳои судманд дод.
Дар деҳаи Навободи Ҷамоати деҳоти Нури Вахш ба Раиси вилоят иттилоъ дода шуд, ки шаҳрванд Ваҳҳоб Турдиев дар ҳавлиаш зиёда аз 50 сар чорвои калони шохдорро барои гӯшт парвариш менамояд.
Раиси вилоят таъкид намуд, ки бо мақсади рушди соҳаи зотпарварӣ ва хушзоткунии чорво, нигоҳ доштани сифатҳои ирсии зотҳои парваришёбандаи чорво, зиёд намудани саршумори чорвои зотӣ, такмил додани хусусияти ирсию маҳсулнокии зотҳои мавҷуда, инчунин офаридани зотҳои нави сермаҳсули чорво дар ин самт корҳои назаррасро ба сомон расонидан зарур аст.
Тибқи иттилои масъулини соҳаи кишоварзӣ, барои хушзоткунии чорво феълан дар шаҳру ноҳияҳои вилоят 119 нуқтаи бордоркунии сунъӣ фаъолият менамояд, ки 103 адади он дар деҳаҳои калон ва хоҷагиҳои ҷамъиятӣ ҷойгир аст. Дар 10 моҳи соли равон 14 095 сар ҳайвони калони шохдор ба таври сунъӣ бордор шуда, 10780 насли хушзот гирифта шудааст.
Раиси вилоят ба фаъолияти чорвопарвар баҳои баланд дода, иброз намуд, ки дар шаҳру ноҳияҳои вилояти Хатлон имконият барои рушди соҳаи чорводорӣ, зотпарварӣ, парандапарварӣ, моҳипарварӣ ва занбӯрпарварӣ хеле зиёд аст. Аз ин рӯ бояд дар тамоми бахшҳои хоҷагидорӣ ба зиёд намудани саршумор эътибори ҷиддӣ зоҳир гардад.
АКС: Шуъбаи иттилоотию таҳлилии дастгоҳи Раиси вилояти Хатлон
Мудири кулли ФАО: «Дар самти истифодаи самараноки захираҳои табиии обу замин бояд оқилона муносибат кард»
Дар Конфронси ФАО дар Душанбе тағйирёбии иқлим, аз байн рафтани гуногунии биологӣ ва вайроншавии замин баррасӣ шуд
Иқтидори кишоварзию саноатии Тоҷикистон дар «Dushanbe EXPO Centre» ба маърази тамошо гузошта шуд
Жанна Исина: «Баргузории конфронси сатҳи баланд дар Душанбе мавқеи байналмилалии Тоҷикистонро тақвият медиҳад»
Дар доираи Конфронси 35-уми минтақавии Созмони озуқаворӣ ва кишоварзӣ ҷаласаи канорӣ оид ба татбиқи ҳуҷҷати «равиши ягонаи саломатӣ» баргузор шуд
Мудири кулли ФАО Тсюй Дунъюй: «Ба Президенти Тоҷикистон барои дар сатҳи баланд баргузор намудани Конфронси 35-уми минтақавии СММ изҳори миннатдорӣ менамоям»
Беш аз 8 миллиард доллар сармоягузорӣ: натиҷаҳои мулоқоти Пешвои миллат Эмомалӣ Раҳмон бо роҳбарони ширкатҳои Чин дар Пекин
Дар Душанбе модели ҳамкории минтақавӣ ва табодули дониш баррасӣ гардид
Тсюй Дунъюй ба муборизаи муштарак бо таҳдидҳои иқлимию иқтисодӣ даъват намуд
Агаси Арутюнян: «Конфронси 35-уми минтақавии ФАО барои муаррифии дастовардҳои Тоҷикистон ва иқтидори кишоварзии он имконияти васеъ фароҳам меорад»
Байни ширкатҳои Тоҷикистону Чин 28 санади ҳамкорӣ ба маблағи умумии 647 миллион доллари амрикоӣ ба имзо расид
Дар Душанбе Конфронси 35-уми минтақавии Созмони озуқаворӣ ва кишоварзии СММ ифтитоҳ гардид
