Сафари кории Сарвари давлат Эмомалӣ Раҳмон дар Амороти Муттаҳидаи Араб оғоз гардид
![](https://khovar.tj/wp-content/uploads/2023/11/Safari-korii-Sarvari-davlat-Emomal-Ra-mon-dar-Amoroti-Mutta-idai-Arab-o-oz-gardid.jpg)
ДУШАНБЕ, 30.11.2023. /АМИТ «Ховар»/. 30 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар Конфронси 28-уми ҷонибҳои Конвенсияи қолабии Созмони Милали Муттаҳид оид ба тағйирёбии иқлим ба шаҳри Дубайи Амороти Муттаҳидаи Араб ташриф оварданд.
Дар фурудгоҳи байналмилалии ал-Мактум меҳмони олиқадр – Президенти Ҷумҳурии Тоҷикистон муҳтарам Эмомалӣ Раҳмонро шахсони расмии Амороти Муттаҳидаи Араб гарму самимӣ истиқбол гирифтанд.