Соли 2023 ҷудочиёни тоҷик дар мусобиқаҳои байналмилалию ҷаҳонӣ 41 медал ба даст оварданд

Ноябрь 22, 2023 14:00

ДУШАНБЕ, 22.11.2023. /АМИТ «Ховар»/. Давоми соли 2023 ҷудочиёни тоҷик дар мусобиқаҳои байналмилалию ҷаҳонӣ 41 медал ба даст оварданд, ки нисбат ба соли гузашта 27 адад зиёд мебошад.  Дар ин хусус ба АМИТ «Ховар» дар Федератсияи ҷудои Тоҷикистон хабар доданд.

Аз ҷумла, давоми соли равон ҷудокорони тоҷик байни калонсолон, ҷавонон, наврасон дар мусобиқаҳои байналмилалӣ 11 медали тилло, 11 нуқра ва 19 биринҷӣ ба даст оварданд. Ин самараи фаъолияти Президенти Федератсияи ҷудои Тоҷикистон Исмоили Маҳмадзоир мебошад, ки аз рӯзи Президенти ин федератсия интихоб гардидани ӯ як сол сипарӣ гардид.

Давоми 12 моҳ метавон такони ҷиддиеро дар пешрафти ҷудои тоҷик мушоҳида намуд.

Дар ин давра бори аввал Тоҷикистон мизбони мусобиқаи сатҳи баланди байналмилалӣ — Гран При Душанбе гардид, ки дар он намояндагони 40 давлати ҷаҳон иштирок намуданд.


Шукуҳу шаҳомати ин мусобиқаро меҳмонон ба чорабинии бузурги ҷаҳонӣ шабеҳ доданд ва ҷаҳониён бори дигар Тоҷикистонро ҳамчун давлати варзишдӯстдор, паҳлавонпарвар ва меҳмоннавоз шинохтанд.

Ҳамзамон барои баланд бардоштани малакаю маҳорати варзишгарон аз ҷониби роҳбарияти федератсия пайваста машқҳои дастҷамъона ташкил шуданд. Аз ҷумла, 8 маротиба тамринҳои дастҷамъии байналмилалӣ, 4 бор ҷумҳуриявӣ ва 3 маротиба минтақавӣ доир  шуданд, ки натиҷаи онҳоро метавон дар дастовардҳои ҷудочиёни тоҷик дид.

Инчунин барои боз ҳам рушду нумуъ ёфтани ҷудо дар мамлакат нақшаи чорабиниҳо тарҳрезӣ гардида, баҳри амалӣ намудани онҳо мутахассисони хориҷию дохилӣ ҷалб гардидаанд.

АКС: Федератсияи ҷудои Тоҷикистон

Ноябрь 22, 2023 14:00

Хабарҳои дигари ин бахш

ҶОМИ ҶАҲОН-2026. Дастаи мунтахаби наврасони Тоҷикистон (U-17) дастаи Кубаро мағлуб кард
Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд