Варзишгарони тоҷик дар Чемпионати Осиё оид ба ҷудо байни наврасон ду медали тилло ба даст оварданд

ДУШАНБЕ, 17.11.2023. /АМИТ «Ховар»/. Дар шаҳри Тошканди Ҷумҳурии Узбекистон Чемпионати Осиё оид ба ҷудо байни наврасон оғоз гардид. Дар он варзишгарони навраси тоҷик ду медали тилло ба даст оварданд. Дар ин хусус ба АМИТ «Ховар» дар Федератсияи ҷудои Тоҷикистон хабар доданд.

Дар рӯзи аввал паҳлавонони наврас дар 8 вазн – 4 вазн байни писарон ва 4 вазн байни духтарон рақобат намуданд.

Гӯштингирони навраси мо- Лоиқ Қутбиддинов дар вазни -55кг ва Ёсин Бобокалонов дар вазни -66кг ба гирифтани медали тилло мушарраф шуданд. Мадина Қурбонзода дар вазни -48кг ва Икром Шамсов дар вазни -55кг ҷои панҷумро гирифтанд.

Имрӯз, 17 ноябр рақобатҳо дар 8 вазни дигар (4 вазн байни  писарон ва 4 вазн байни духтарон) байни наврасон идома меёбанд. Ду рӯз баъд беҳтаринҳои ҷудои Осиё байни ҷавонон муайян мешаванд.

АКС: Федератсияи ҷудои Тоҷикистон