Варзишгарони Тоҷикистон соҳиби 35 медали тилло, нуқра ва биринҷӣ гардиданд
ДУШАНБЕ, 13.11.2023 /АМИТ «Ховар»/. Мусобиқаи байналмилалӣ оид ба бокс барои дарёфти Ҷоми Раиси вилояти Суғд ҷамъбаст ва ғолибон бо ҷому мукофотҳо сарфароз гардонида шуданд. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Мусобиқа 7-10 ноябр дар шаҳри Хуҷанд доир шуда, дар он беш аз 80 варзишгар аз Тоҷикистон, Қирғизистон, Қазоқистон, Узбекистон, Федератсияи Русия ва Беларус иштирок намуданд.
Варзишгарони Тоҷикистон дар мусобиқа маҳорати баланд нишон дода, соҳиби 10 медали тилло, 9 медали нуқра ва 16 медали биринҷӣ гардиданд, ки нишони маъруфияти бокс дар мамлакатамон мебошад.
Дар маҷмуъ, 52 нафар ғолибони мусобиқа бо ҷому мукофотҳои пулӣ дар ҳаҷми аз 3 ҳазор то 8 ҳазор сомонӣ мукофотонида шуданд.
Раиси вилояти Суғд Раҷаббой Аҳмадзода ба ҷоизадорони Мусобиқаи байналмилалӣ оид ба бокс, ки ба муносибати Рӯзи Конститутсияи Ҷумҳурии Тоҷикистон ташкил шуд, дилому мукофотпулиҳоро супорид.
Ёдовар мешавем, ки дар Тоҷикистон, аз ҷумла вилояти Суғд аз замони пеш то ин дам варзишгарони болаёқату номдор ба воя мерасанд. Бокс дар вилоят яке аз намудҳои маъмул ба ҳисоб рафта, шумораи дӯстдорони он аз ҳисоби ҷавонону наврасон торафт меафзояд.
АКС: Хадамоти матбуоти Раиси вилояти Суғд








ҶОМИ ҶАҲОН-2026. Дастаи мунтахаби наврасони Тоҷикистон (U-17) дастаи Кубаро мағлуб кард
Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд






