Вазири тандурустӣ ва ҳифзи иҷтимоии аҳолӣ бо фаъолияти Беморхонаи марказӣ ва Маркази саломатии ноҳияи Хуросон шинос гардид

ДУШАНБЕ, 25.11.2023. /АМИТ «Ховар»/. Бо мақсади шиносоӣ бо ҷараёни хизматрасонии тиббӣ ба аҳолӣ, омодагӣ ба зимистон, аз ҷумла захира намудани маводи сӯзишворӣ, доруворӣ ва ғизо дар самти беҳтар намудани сатҳ ва сифати хизматрасонии тиббӣ ба аҳолӣ Вазири тандурустӣ ва ҳифзи иҷтимоии аҳолии Ҷумҳурии  Тоҷикистон бо фаъолияти Беморхонаи марказӣ ва Маркази саломатии ноҳияи Хуросони вилояти Хатлон шинос шуд, хабар доданд ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии аҳолӣ.

​Зимни шиносоӣ ба масъалаҳои таъмини муассисаҳои тандурустӣ бо гармӣ, захира намудани сӯзишворӣ, маводи доруворӣ ва хӯрокворӣ, риояи одоби муоширати табибон бо беморон, баланд бардоштани сатҳи хизматрасонии тиббӣ ба аҳолӣ ва дигар масъалаҳои ба соҳа алоқаманд таваҷҷуҳи махсус зоҳир гардид.

​Ҳамзамон доир ба беҳтар намудани хизматрасонии тиббӣ ба аҳолӣ, бартараф намудани мушкилот ва камбудиҳои мавҷуда ба масъулин дастуру супоришҳои мушаххас дода шуд.

АКС: Маркази матбуоти Вазорати тандурустӣ ва ҳифзи иҷтимоии аҳолии Ҷумҳурии  Тоҷикистон